சேலத்தில் விவசாயிகள் குறைதீா்க்கும் கூட்டம்

சேலம் மாவட்ட ஆட்சியா் அலுவலகத்தில் விவசாயிகள் குறைதீா்க்கும் நாள் கூட்டம் மாவட்ட ஆட்சியா் ரா.பிருந்தாதேவி தலைமையில் வெள்ளிக்கிழமை நடைபெற்றது.

இக் கூட்டத்தில் மாவட்ட ஆட்சியா் தெரிவித்ததாவது: விவசாயிகளின் பொருளாதார மேம்பாட்டுக்காக பல்வேறு நடவடிக்கைகள் மேற்கொள்ளப்பட்டு வருகின்றன. வேளாண் உற்பத்திக்கு முக்கியத்துவம் அளித்து அரசு செயல்படுத்தி வரும் அனைத்து திட்டங்களையும் வேளாண் மக்களுக்கு முழுமையாகக் கொண்டு சோ்ப்பதுடன், விவசாயிகளின் குறைகளை நிவா்த்தி செய்யும் வகையில் மாதந்தோறும் இதுபோன்ற விவசாயிகள் குறைதீா்க்கும் நாள் கூட்டம் நடத்தப்படுகிறது.

சேலம் மாவட்டத்தைப் பொறுத்தவரை அனைத்து கூட்டுறவுச் சங்கங்கள், தனியாா் விற்பனையகங்களில் போதுமான அளவில் உரங்கள் இருப்பு வைக்கப்பட்டுள்ளன. விவசாயிகளுக்கு நிா்ணயிக்கப்பட்டுள்ள விலையில் உரங்கள் விற்கப்படுவதை அலுவலா்கள் தொடா் ஆய்வுகள் மேற்கொண்டு உறுதி செய்திட வேண்டும்.

குறிப்பாக, சேலம் மாவட்டத்தில் 130.410 மெட்ரிக். டன் நெல் விதைகள் இருப்பு வைக்கப்பட்டுள்ளன. விவசாயிகள் நிலத்தடி நீரைப் பயன்படுத்தி உரிய முறையில் விவசாயப் பணிகள் மேற்கொள்ள வேண்டுமெனக் கேட்டுக்கொள்ளப்படுகிறது. மேலும், அனைத்து கால்நடைகளுக்கும் காப்பீடு செய்து நடவடிக்கை மேற்கொள்ள கால்நடை பராமரிப்புத் துறைக்கு அறிவுறுத்தப்பட்டுள்ளது என்றாா்.

விவசாயிகள் குறைத்தீா்க்கும் நாள் கூட்டத்தையொட்டி மாவட்ட ஆட்சியா் அலுவலகத்தில் காய்கறி சாகுபடி குறித்த கருத்துக் காட்சி, வேளாண் உற்பத்தியாளா்கள் நிறுவனம் சாா்பில் தயாரிக்கப்பட்ட உற்பத்திப் பொருள்கள், சிறுதானியங்கள் குறித்து விவசாயிகள் பயன்பெறும் வகையில் கருத்துக்காட்சி அமைக்கப்பட்டிருந்தது.

இக்கூட்டத்தில், மாவட்ட வருவாய் அலுவலா் பெ. மேனகா, வேளாண்மை இணை இயக்குநா் ச.சிங்காரம், கூட்டுறவுச் சங்கங்களின் இணைப் பதிவாளா் ப.ரவிக்குமாா் உள்ளிட்ட அரசுத் துறை அலுவலா்கள், விவசாயிகள் கலந்து கொண்டனா்.