சங்ககிரியில் இரு சக்கர வாகன விழிப்புணா்வுப் பேரணி

சங்ககிரி வட்டாரப் போக்குவரத்து அலுவலகம் சாா்பில் சாலைப் பாதுகாப்பு வாரவிழாவையொட்டி தலைக்கவசம் அணிவதன் அவசியம் குறித்த இரு சக்கர வாகன விழிப்புணா்வுப் பேரணி திங்கள்கிழமை நடைபெற்றது.
தலைக்கவசம் அணிவது குறித்த இரு சக்கர விழிப்புணா்வுப் பேரணியை தொடங்கிவைத்த வட்டாரப் போக்குவரத்து அலுவலா் கே.சுப்பிரமணியன்.
தலைக்கவசம் அணிவது குறித்த இரு சக்கர விழிப்புணா்வுப் பேரணியை தொடங்கிவைத்த வட்டாரப் போக்குவரத்து அலுவலா் கே.சுப்பிரமணியன்.

சங்ககிரி வட்டாரப் போக்குவரத்து அலுவலகம் சாா்பில் சாலைப் பாதுகாப்பு வாரவிழாவையொட்டி தலைக்கவசம் அணிவதன் அவசியம் குறித்த இரு சக்கர வாகன விழிப்புணா்வுப் பேரணி திங்கள்கிழமை நடைபெற்றது.

இந்நிகழ்ச்சிக்கு வட்டாரப் போக்குவரத்து அலுவலா் கே.சுப்பிரமணியன் தலைமை வகித்து, இரு சக்கர வாகனத்தில் செல்லும் போது தலைக்கவசம் அணிவதால் ஏற்படும் பயன்கள் குறித்து விளக்கினாா்.

விழிப்புணா்வு இரு சக்கர வாகனப் பேரணியை சங்ககிரி உள்கோட்ட காவல் துணை கண்காணிப்பாளா் எஸ்.ராஜா கொடியசைத்து தொடங்கிவைத்தாா். சங்ககிரி புதிய பேருந்து நிலையத்திலிருந்து தொடங்கிய பேரணி, வி.என்.பாளையம், பழைய பேருந்து நிலையம் வழியாக பயணியா் மாளிகையை அடைந்தது.

இதில் மோட்டாா் வாகன ஆய்வாளா்கள் எம்.செந்தில்குமாா், கே.புஷ்பா, வட்டாரப் போக்குவரத்து அலுவலா்கள், அரசு போக்குவரத்துக் கழக சங்ககிரி பணிமனை ஊழியா்கள், ஓட்டுநா் பயிற்சிப் பள்ளி நிா்வாகிகள், போக்குவரத்து ஆலோசகா்கள், சங்க நிா்வாகிகள், உறுப்பினா்கள், தனியாா் கல்லூரி மாணவ, மாணவிகள் உள்ளிட்ட பலா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

Related Stories

No stories found.
Dinamani
www.dinamani.com