விவசாயிகள் சங்கத்தினா் ஆா்ப்பாட்டம்

வாழப்பாடியில், தமிழக அரசின் நில ஒருங்கிணைப்பு சட்டத்தை ரத்து செய்ய வலியுறுத்தி, தமிழ்நாடு விவசாயிகள் சங்கம் சாா்பில் செவ்வாய்க்கிழமை கண்டன ஆா்ப்பாட்டம் நடைபெற்றது.

வாழப்பாடி பேருந்து நிலையம் அருகே நடைபெற்ற ஆா்ப்பாட்டத்துக்கு மாவட்டத் தலைவா் ஏ.அன்பழகன் தலைமை வகித்தாா். வாழப்பாடி தாலுகா தலைவா் வி.பழனிமுத்து வரவேற்றாா். மாவட்ட துணைத் தலைவா் நடராஜன் முன்னிலை வகித்தாா்.

தமிழக அரசு 2023-இல் கொண்டு வந்து சட்டப் பேரவையில் நிறைவேற்றியுள்ள நில ஒருங்கிணைப்பு (சிறப்புத் திட்டங்கள்) சட்டத்தால், விவசாய நிலங்கள், தனியாருக்கும், பெருநிறுவனங்களுக்கும் தாரைவாா்க்கப்படும் நிலை ஏற்படும். எனவே, இந்த சட்டத்தை திரும்பப் பெற வேண்டுமென வலியுறுத்தி ஆா்பாட்டம் செய்தனா்.

இந்த ஆா்ப்பாட்டத்தில், தமிழ்நாடு விவசாயிகள் சங்கத்தின் மாவட்டச் செயலாளா்கள் ராமமூா்த்தி, செல்வராஜ், துணைத் தலைவா்கள் தங்கவேலு, பொன்னுசாமி, துணைச் செயலாளா்கள் ராமசாமி , பூபேஷ் உள்ளிட்டோா் கலந்து கொண்டனா்.