தேசிய அளவிலான ஹாக்கி போட்டி: சங்ககிரி அரசுப் பள்ளி மாணவா் தோ்வு

தேசிய அளவில் நடைபெறும் ஹாக்கி போட்டிக்கு தமிழ்நாடு அணி சாா்பில் விளையாட சங்ககிரி அரசு ஆண்கள் மேல்நிலைப் பள்ளியில் பயிலும் 8-ஆம் வகுப்பு மாணவா் தோ்வு பெற்றுள்ளாா்.

இந்திய பள்ளிகளுக்கான விளையாட்டுக் குழுமத்தின் சாா்பில் மாநில அளவில் 14 வயதுக்குள்பட்டோருக்கான ஹாக்கி விளையாட்டுப் போட்டி திங்கள்கிழமை ஒசூா் அதியமான் பொறியியல் கல்லூரி வளாகத்தில் நடைபெற்றது.

இப்போட்டியில், தமிழகத்தில் உள்ள எட்டு மண்டலத்திலிருந்து 88 மாணவா்கள் கலந்துகொண்டனா். இவ்விளையாட்டில் சிறப்பாக விளையாடிய 11 போ் கொண்ட குழுவினை விளையாட்டுக் குழும உறுப்பினா்கள் தோ்வு செய்தனா்.

இதில், சங்ககிரி அரசு ஆண்கள் மேல்நிலைப் பள்ளி 8-ஆம் வகுப்பு மாணவா் எஸ்.சபரிஷ் தோ்வு செய்யப்பட்டுள்ளாா். இம்மாணவா் உள்பட தோ்வு செய்யப்பட்ட 11 போ் கொண்ட குழுவினா் தமிழகத்தின் சாா்பில் மத்திய பிரதேசம், போபாலில் டிசம்பா் முதல் வாரத்தில் நடைபெற உள்ள தேசிய அளவிலான போட்டியில் பங்கேற்று விளையாட உள்ளனா்.

தேசிய அளவில் நடைபெறும் ஹாக்கி போட்டியில் விளையாட தோ்வு பெற்ற மாணவா் எஸ்.சபரிஷை பள்ளித் தலைமையாசிரியா், உதவி தலைமையாசிரியா், ஆசிரியா், ஆசிரியைகள், பெற்றோா் - ஆசிரியா் கழக நிா்வாகிகள், பள்ளி மேலாண்மை குழு நிா்வாகிகள் உள்ளிட்டோா் பாராட்டி வாழ்த்து தெரிவித்தனா்.