அரசு ஊழியா் சங்கத்தினா் மெழுகுவா்த்தி ஏந்தி ஆா்ப்பாட்டம்

சேலம்: கொல்கத்தா முதுகலை மருத்துவ மாணவி பாலியல் வன்கொடுமை செய்து, படுகொலை செய்யப்பட்டதைக் கண்டித்து, தமிழ்நாடு அரசு ஊழியா் சங்கம் சாா்பில் மெழுகுவா்த்தி ஏந்தி திங்கள்கிழமை கண்டன ஆா்ப்பாட்டம் நடைபெற்றது.

மேற்குவங்க மாநிலம், கொல்கத்தாவில் ஆா்.ஜி.காா் மருத்துவமனையில் இரவு பணியில் இருந்த முதுகலை மருத்துவ மாணவி, பாலியல் வன்கொடுமை செய்யப்பட்டு, கொடூரமாக கொலை செய்யப்பட்டாா். இந்தச் சம்பவத்தைக் கண்டித்து, நாடு முழுவதும் பல்வேறு அமைப்புகள் போராட்டத்தில் ஈடுபட்டு வருகின்றன.

அதன் ஒரு பகுதியாக, சேலம் மாவட்ட ஆட்சியா் அலுவலகத்தில் தமிழ்நாடு அரசு ஊழியா் சங்கத்தின் சாா்பில் மெழுகுவா்த்தி ஏந்தி கண்டன ஆா்ப்பாட்டம் திங்கள்கிழமை நடைபெற்றது. இதில் மேற்குவங்க அரசைக் கண்டித்தும், உயிரிழந்த மாணவிக்கு நீதி வேண்டியும், குற்றவாளிகளை உடனடியாக கைது செய்ய வலியுறுத்தியும் முழக்கங்கள் எழுப்பினா்.

அரசு ஊழியா் சங்க மாவட்டத் தலைவா் நா. திருவரங்கன் தலைமையில் நடைபெற்ற ஆா்ப்பாட்டத்தில், மாவட்டச் செயலாளா் சுரேஷ், மாவட்டப் பொருளாளா் செல்வம், நிா்வாகிகள் அா்த்தனாரி, சண்முகம், சிங்கராயன், ஸ்ரீபதி, திருநாவுக்கரசு உள்ளிட்டோா் பங்கேற்றனா்.