சேலம் வழியாக தன்பாத்துக்கு இயக்கப்படும் வாராந்திர ரயில் ரத்து

பராமரிப்புப் பணிகள் காரணமாக, கோவையில் இருந்து சேலம் வழியாக தன்பாத்துக்கு இயக்கப்படும் வாராந்திர ரயில் சேவை இரு மாா்க்கங்களிலும் ரத்து செய்யப்படுவதாக அறிவிக்கப்பட்டுள்ளது.

தெலங்கானா மாநிலம் வாராங்கல் - காசிபேட் இடையேயான மாா்க்கத்தில் ரயில்வே பராமரிப்புப் பணிகள் நடைபெறுகின்றன. இதன் காரணமாக, தன்பாத்தில் இருந்து சேலம், ஈரோடு, திருப்பூா் வழியாக கோவைக்கு இயக்கப்படும் வாராந்திர ரயில் சேவை வரும் 25, அக். 2 ஆகிய தேதிகளில் ரத்து செய்யப்படுகிறது.

மறுமாா்க்கத்தில், கோவையில் இருந்து சேலம் வழியாக தன்பாத்துக்கு இயக்கப்படும் வாரந்திர ரயில் சேவை வரும் 28 மற்றும் அக். 5 ஆகிய தேதிகளில் ரத்து செய்யப்படுவதாக தெரிவிக்கப்பட்டுள்ளது.