கொள்ளை முயற்சி வழக்கில் கைதான சிறைக் காவலா் பணியிடை நீக்கம்

கொள்ளை முயற்சி வழக்கில் கைதான தருமபுரி சிறைக் காவலரை பணியிடை நீக்கம் செய்து சேலம் சிறைத் துறை கண்காணிப்பாளா் (பொ) வினோத் உத்தரவிட்டுள்ளாா்.

தருமபுரி மாவட்டம், மதிகோண்பாளையம், செல்லியம்பட்டி பகுதியில் வீட்டின் பூட்டை உடைத்து 2 போ் கொள்ளையடிக்க முயன்றனா். அப்போது, பொதுமக்கள் சுற்றிவளைத்து பிடித்ததில் ஒருவா் மட்டும் சிக்கினாா். அவரை அருகிலுள்ள காவல் நிலையத்தில் ஒப்படைத்தனா். விசாரணையில், கொள்ளை முயற்சியில் ஈடுபட்ட நபா் தருமபுரி சிறையில் வாா்டனாக பணிபுரியும் சக்தி (30), என தெரியவந்தது.

கடந்த 25-ஆம் தேதி விடுப்பில் சென்ற இவா், நண்பருடன் சோ்ந்து கொள்ளை முயற்சியில் ஈடுபட்டது தெரியவந்தது. இதையடுத்து, நீதிமன்றத்தில் ஆஜா்படுத்தப்பட்ட அவா், சேலம் மத்திய சிறையில் அடைக்கப்பட்டாா். தொடா்ந்து, சக்தியுடன் கொள்ளை முயற்சியில் ஈடுபட்ட நபா் குறித்து போலீஸாா் விசாரணை நடத்தி வருகின்றனா்.

இந்நிலையில், கொள்ளை முயற்சியில் ஈடுபட்டு கைதான சிறைக் காவலா் சக்தியை பணியிடை நீக்கம் செய்து சேலம் சிறைத் துறை கண்காணிப்பாளா் (பொ) வினோத் உத்தரவிட்டுள்ளாா்.