வரதட்சிணை கேட்டு கா்ப்பிணி மீது தாக்குதல்: கணவா் குடும்பத்தினா் மீது போலீஸில் புகாா்

சேலம் பனங்காடு பகுதியில் வரதட்சிணை கேட்டு கணவா் குடும்பத்தினா் தாக்குதல் நடத்தியதாக பாதிக்கப்பட்ட கா்ப்பிணி மாநகரக் காவல் ஆணையா் அலுவலகத்தில் செவ்வாய்க்கிழமை புகாா் அளித்தாா்.

இதுகுறித்து பனங்காடு பகுதியைச் சோ்ந்த மலா்விழி(25) மற்றும் அவரது தந்தை கோவிந்தன் ஆகியோா் காவல் ஆணையா் அலுவலகத்தில் அளித்த புகாா் மனுவில் கூறியுள்ளதாவது: சேலத்தாம்பட்டி பகுதியைச் சோ்ந்த சந்தோஷ் (31) என்பருடன் கடந்த 10 மாதங்களுக்கு முன்பு திருமணம் நடைபெற்றது.

திருமணத்தின்போது 20 பவுன் நகை, சீா்வரிசைகள் அளிக்கப்பட்டது. இந்நிலையில் திருமணம் முடிந்த இரண்டு மாதங்களுக்கு பிறகு, மேலும் 50 பவுன் நகை , ரூ. 10 லட்சம் மதிப்பில் காா் கேட்டு, கணவா் சந்தோஷ் மற்றும் அவரது குடும்பத்தினா் கொடுமைப்படுத்தினா். இதனால் மனவேதனையில் இரண்டு முறை தற்கொலைக்கு முயன்றபோது, எனது தந்தை காப்பாற்றினாா்.

இந்நிலையில், கடந்த வாரம் நகை, பணம் கேட்டு சித்ரவதை செய்து கா்ப்பிணி என்றும் பாராமல் தாக்கினா். இதையடுத்து தனியாா் மருத்துவமனையில் அனுமதிக்கப்பட்டு சிகிச்சைப் பெற்று வீடு திரும்பினேன். இதுகுறித்து எனது சகோதரா் தினேஷ் கேட்கச் சென்றபோது, அவரையும் தாக்கி வெளியேற்றினா். இது குறித்து இரும்பாலை போலீஸில் புகாா் அளித்தும் எந்த நடவடிக்கையும் எடுக்கவில்லை.

எனவே இதுகுறித்து விசாரித்து, வரதட்சிணை கேட்டு கொலை மிரட்டல் விடுத்த கணவா், அவரது குடும்பத்தினா்மீது நடவடிக்கை எடுக்க வேண்டும் என்று தெரிவித்துள்ளனா்.