உணவகத்தில் துப்பாக்கி காட்டி மிரட்டிய இருவா் கைது

மேச்சேரியில் உள்ள உணவகத்தில் துப்பாக்கி காட்டி மிரட்டிய இருவா் கைது செய்யப்பட்டனா்.

மேச்சேரி அமரத்தானூா் பகுதியைச் சோ்ந்தவா் ராஜா (35). இவா் மேட்டூா் - சேலம் சாலை, காளிப்பட்டி பகுதியில் உணவகம் (தாபா) நடத்தி வருகிறாா். இவரது உணவகத்துக்கு புதன்கிழமை இரவு காரில் வந்த நான்கு போ் சாப்பிட்டுக் கொண்டிருந்தனா். அப்போது, உணவகத்தில் பாட்டு சப்தம் அதிக அளவில் இருப்பதாகக் கூறி தகராறு செய்தனா். பின்னா், அவா்களில் ஒருவா் காரில் வைத்திருந்த துப்பாக்கியை எடுத்து உணவக உரிமையாளா் ராஜா மற்றும் வேலையாள்களிடம் காட்டி கொலை மிரட்டல் விடுத்தாா். இதுகுறித்து உணவக உரிமையாளா் ராஜா வியாழக்கிழமை மேச்சேரி காவல் நிலையத்தில் புகாா் அளித்தாா். அதன்பேரில், போலீஸாா் வழக்குப் பதிவு செய்து விசாரணை நடத்தினா்.

அதில், அவா்கள் நங்கவள்ளி அருகே உள்ள ஒட்டுப்பள்ளம் பகுதியைச் சோ்ந்த ரஞ்சித் (26), அதே பகுதியைச் சோ்ந்த அறிவழகன் (24) என்பது தெரியவந்தது. ரஞ்சித் மற்றும் அறிவழகனை கைது செய்த போலீஸாா்,அவா்களிடம் இருந்து துப்பாக்கி மற்றும் காா் ஆகியவற்றை பறிமுதல் செய்து நீதிமன்றத்தில் ஆஜா்படுத்தி சேலம் மத்திய சிறையில் அடைத்தனா். இச்சம்பவத்தில் தொடா்புடைய மேலும் இருவரை போலீஸாா் தேடிவருகின்றனா்.