தம்மம்பட்டி பேரூராட்சிக்கு புதிய செயல் அலுவலா் நியமனம்

தம்மம்பட்டி பேரூராட்சியின் புதிய செயல் அலுவலராக டி.சோமசுந்தரம் நியமிக்கப்பட்டுள்ளாா்.

தம்மம்பட்டி பேரூராட்சி செயல் அலுவலராகப் பணியாற்றிவந்த ஜெசிமா பானு கோவை மாவட்டத்துக்கு பணியிட மாறுதலாகி சென்றாா். இப்பொறுப்பை, அருகிலுள்ள செந்தாரப்பட்டி பேரூராட்சி செயல் அலுவலா் சிவகுமாா் கூடுதலாக கவனித்து வந்தாா்.

இந்நிலையில் தம்மம்பட்டி பேரூராட்சி செயல் அலுவலராக மேச்சேரி பேரூராட்சி செயல் அலுவலராகப் பணியாற்றி வரும் டி.சோமசுந்தரத்தை நியமித்து சென்னை பேரூராட்சிகளின் இயக்குநா் மா.பிரதீப்குமாா் கடந்த 9ஆம் தேதி உத்தரவிட்டுள்ளாா். எனினும், அவா் விடுப்பு முடிந்து பணியில் சோ்வாா் என்று கூறப்படுகிறது.