சேலம் அரசு பொறியியல் கல்லூரி வளாகத்தில் ரூ. 20 கோடியில் பல்நோக்கு விளையாட்டரங்கம்: ஆட்சியா் தகவல்
ஓமலூா்: சேலம் அரசு பொறியியல் கல்லூரி வளாகத்தில் ரூ. 20 கோடி மதிப்பீட்டில் பல்நோக்கு விளையாட்டு அரங்கம் அமைக்கும் பணி நடைபெற்று வருவதாக மாவட்ட ஆட்சியா் ரா.பிருந்தாதேவி தெரிவித்தாா்.
சேலம் வருவாய் மாவட்ட அளவில் பள்ளி மாணவ, மாணவிகளுக்கான குடியரசு தின விழா தடகளப் போட்டிகள், பெரியாா் பல்கலைக்கழக வளாகத்தில் அமைந்துள்ள செயற்கை ஓடுதளப்பாதையில் திங்கள்கிழமை நடைபெற்றன. இப்போட்டிகளை ஆட்சியா் ரா.பிருந்தாதேவி தொடங்கிவைத்து பேசியதாவது:
மாணவ, மாணவிகள், விளையாட்டு வீரா்கள், வீராங்கனைகள் சா்வதேச அளவில் வெற்றிகளை குவித்திட ஏதுவாக தமிழ்நாடு அரசால் உயரடுக்கு விளையாட்டு வீரா்களுக்கான எலைட் திட்டம், தேசிய அளவிலான ஜூனியா் வீரா்களுக்கான சாம்பியன்ஸ் மேம்பாட்டுத் திட்டம், வீரா்களுக்கு விளையாட்டு உபகரணங்களை வழங்கும் கலைஞா் விளையாட்டு உபகரணங்கள் திட்டம் போன்ற பல்வேறு திட்டங்கள் செயல்படுத்தப்பட்டு வருகின்றன.
குறிப்பாக, சேலம் அரசு பொறியியல் கல்லூரி வளாகத்தில் ரூ. 20 கோடியில் பல்நோக்கு விளையாட்டரங்கம் அமைக்கும் பணி நடைபெற்று வருகிறது. இந்தப் பல்நோக்கு விளையாட்டரங்கில் 400 மீட்டா் ஓடுதளம், கைப்பந்து, ஸ்கேட்டிங், டென்னீஸ், கோகோ, ஜிம்னாஸ்டிக், கூடைப்பந்து, ஹாக்கி விளையாட்டுகளுக்கான மைதானங்கள், உடற்பயிற்சிக் கூடம், நீச்சல் குளம், நிா்வாக அலுவலகம், விளையாட்டு விடுதி, உள்விளையாட்டு அரங்கம் ஆகிய அமைக்கப்படவுள்ளன என்றாா்.
இந்நிகழ்ச்சியில், மாவட்ட முதன்மைக் கல்வி அலுவலா் மு.கபீா், புனிதபால் மேல்நிலைப் பள்ளி தலைமையாசிரியா் அலெக்ஸ்பிரபு உள்ளிட்டோா் கலந்துகொண்டனா்.