காங்கிரஸ் ஆட்சி அமைந்தவுடன் நீட் தோ்வு ரத்துசெய்யப்படும்: மாணிக்கம் தாகூர்!

மத்தியில் காங்கிரஸ் தலைமையில் ஆட்சி அமைந்தவுடன் நீட் தோ்வு முற்றிலும் ரத்துசெய்யப்படும் என்று தமிழ்நாடு காங்கிரஸ் கமிட்டி தலைவா் மாணிக்கம் தாகூா் கூறினாா்.

சேலம் மாவட்டம், கொங்கணாபுரம் அருகே நீட் தோ்வு அச்சத்தால் தற்கொலை செய்து கொண்ட மாணவி கோபிகா குடும்பத்தினரை காங்கிரஸ் மாநிலத் தலைவா் மாணிக்கம் தாகூா் சனிக்கிழமை சந்தித்து ஆறுதல் தெரிவித்து, நிதியுதவி வழங்கினாா்

பின்னா் செய்தியாளா்களிடம் அவா் கூறியதாவது: நீட் தோ்வுக்கு தொடக்க நிலையில் இருந்து காங்கிரஸ் கட்சி எதிா்ப்பு தெரிவித்து வருகிறது. நீட் தோ்வால் கிராமப்புற ஏழை மாணவா்களின் மருத்துவக் கனவு சீா்குலைக்கப்படுகிறது.

சில தனியாா் கல்வி நிறுவனங்களின் வருமானத்தை கருத்தில் கொண்டு லாப நோக்கத்துடன் நீட் தோ்வை மத்திய அரசு நடத்தி வருகிறது. இத்தோ்வு அச்சத்தால் தமிழகத்தில் இதுவரை 37 -க்கும் மேற்பட்ட மாணவா்கள் தற்கொலை செய்துகொண்டிருப்பது வேதனை அளிக்கிறது.

வரும் காலங்களில் நீட் தோ்வுக்கு எதிராக தமிழக காங்கிரஸ் போராடும். 2029 இல் நடைபெறும் மக்களவைத் தோ்தலில் காங்கிரஸ் கட்சி வெற்றி பெற்று மத்தியில் ராகுல் காந்தி தலைமையிலான காங்கிரஸ் ஆட்சி அமையும் நிலையில், நாடு முழுவதும் நீட் தோ்வு ரத்து செய்யப்படும் என்றாா்.

இதில் விஜய் வசந்த் எம்.பி., மாநில செயற்குழு உறுப்பினா் காா்த்திக் தங்கபாலு, மாவட்டத் தலைவா் எம்.எம். ரத்தினம், நகரத் தலைவா் நாகராஜ், கராத்தே மாணிக்கம் உள்ளிட்டோா் கலந்துகொண்டனா்.