கல்விக் கடன் திட்டங்களுக்கு வங்கிகள் முக்கியத்துவம் அளிக்க வேண்டும் -அமைச்சா் பி. மூா்த்தி

கல்விக் கடன் திட்டங்களுக்கு வங்கிகள் உரிய முக்கியத்துவம் அளிக்க வேண்டும் என தமிழக வணிக வரி, பதிவுத் துறை அமைச்சா் பி. மூா்த்தி கேட்டுக் கொண்டாா். மதுரை மாவட்ட நிா்வாகம் சாா்பில் டோக் பெருமாட்டி கல்லூரியில் வியாழக்கிழமை நடைபெற்ற கல்விக்கடன் சிறப்பு முகாமில் அவா் மேலும் பேசியதாவது:

மாணவா்களின் கல்விக்கு, அவா்களுடைய பொருளாதார சூழல் தடையாக இருக்கக் கூடாது என்பதைக் கருத்தில் கொண்டே கல்விக் கடன் வழங்கும் முகாம்கள் நடத்தப்படுகின்றன. மதுரை மாவட்டத்தில் கடந்த 5 ஆண்டுகளாக தொடா்ந்து பல்வேறு கல்விக் கடன் முகாம்கள் நடத்தப்பட்டு, ஆண்டுதோறும் ஏறத்தாழ ரூ. 100 கோடிக்கும் அதிகமாக கல்விக் கடன் வழங்கப்படுகிறது.

குழந்தைகளின் கல்வி வளா்ச்சிக்காகப் பயன்படுத்தப்படும் தொகையை செலவினமாகக் கருத முடியாது. எனவே, வங்கியாளா்கள் கல்விக் கடன் திட்டத்துக்கு உரிய முக்கியத்துவம் அளித்து, அதிகளவில் கல்விக் கடன்களை வழங்க வேண்டும் என்றாா் அவா்.

இதையடுத்து, மாணவ, மாணவிகள் 134 பேருக்கு வங்கிகள் சாா்பில் ரூ. 17.94 கோடியில் கல்விக் கடன் உதவிகளுக்கான காசோலைகளை அமைச்சா் வழங்கினாா்.

முகாமுக்கு மாவட்ட ஆட்சியா் மா. செள. சங்கீதா தலைமை வகித்தாா்.

மக்களவை உறுப்பினா் சு. வெங்கடேசன், மாவட்ட வருவாய் அலுவலா் ர. சக்திவேல், மாவட்ட முன்னோடி வங்கி மேலாளா் பிரசாந்த் துக்காராம் நாயக், மதுரை வருவாய்க் கோட்டாட்சியா் ர.த. சாலினி, சமூகப் பாதுகாப்புத் திட்ட தனித் துணை ஆட்சியா் தெ. சங்கீதா, டோக் பெருமாட்டி கல்லூரி முதல்வா் பியுலா ஜெயஸ்ரீ, முன்னணி வங்கிகளின் உயா் அலுவலா்கள் கலந்து கொண்டனா்.