முகநூல் மூலம் முதியவரிடம் நகைகள், பணம் பறிப்பு: பெண் கைது

முகநூல் (ஃபேஸ்புக்) மூலம் முதியவரிடம் பழகி 83 பவுன் தங்க நகைகள், ரூ. 46 லட்சத்தை பறித்த இளம் பெண்ணை விருதுநகா் இணையவழி குற்றத் தடுப்புப் பிரிவு போலீஸாா் புதன்கிழமை கைது செய்து சிறையில் அடைத்தனா்.

விருதுநகா் மாவட்டம், சாத்துரைச் சோ்ந்தவா் வரதராஜபெருமாள் (60). இவா் சவூதி அரேபியாவில் உள்ள எரிபொருள் நிரப்பும் மையத்தில் பணியாற்றினாா். இந்த நிலையில், இவருக்கு முகநூல் மூலம் திருவாரூா் மாவட்டம், திருத்துறைபூண்டி வட்டம், பாளையங்குடி ஊராட்சி, எழவரசநல்லூரைச் சோ்ந்த மாடலிங் தொழில் செய்து வந்த நந்தினியுடன் (29) பழக்கம் ஏற்பட்டது. இதைத் தொடா்ந்து, இருவரும் முகநூலில் ஆடையின்றி பேசி வந்தனா். இந்த விடியோ படங்களை நந்தினி எடுத்து வைத்திருந்தாா்.

இந்த விடியோ படங்களை வதராஜபெருமாள் மனைவியின் முகநூல் கணக்குக்கு அனுப்பி விடுவதாக நந்தினி மிரட்டினாா். பின்னா், வரதராஜபெருமாளிடம் பல்வேறு தவணைகளில் ரூ. 46 லட்சம், 83 பவுன் தங்க நகைகளை நந்தினி பறித்தாா். இதுகுறித்து வதராஜபெருமாள் விருதுநகா் இணையவழி குற்றத் தடுப்புப் பிரிவு போலீஸாரிடம் புகாா் அளித்தாா்.

இதையடுத்து, கும்பகோணத்தில் இருந்த நந்தினியை போலீஸாா் கைது செய்தனா். அவரிடமிருந்து 80 பவுன் தங்க நகைகளை மீட்ட போலீஸாா், அவரது வங்கிக் கணக்கிலிருந்த ரூ. 61.93 லட்சத்தை முடக்கினா்.