Enable Javscript for better performance
பழனியில் வடமாநில வியாபாரிகளால் பக்தா்களுக்கு இடையூறு: இந்து மக்கள் கட்சி புகாா்- Dinamani

சுடச்சுட

    

    பழனியில் வடமாநில வியாபாரிகளால் பக்தா்களுக்கு இடையூறு: இந்து மக்கள் கட்சி புகாா்

    By DIN  |   Published on : 04th December 2019 06:26 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    3palani_indu_0312chn_88_2

    பழனிக் கோயில் தலைமை அலுவலகத்தில் இந்து தமிழா் கட்சியினா் நிறுவனா் ராம ரவிக்குமாா் தலைமையில் செவ்வாய்க்கிழமை புகாா் மனு அளித்தவா்கள்.

    பழனி கிரிவீதியில் பக்தா்களுக்கு இடையூறாக உள்ள வடமாநிலத்தவா்களை கண்காணித்து அப்புறப்படுத்த இந்து தமிழா் கட்சியினா் கோரிக்கை விடுத்துள்ளனா்.

    பழனி கிரிவீதியில் காா்த்திகை மாதம் துவங்கியதை முன்னிட்டு ஐயப்ப பக்தா்கள் வருகை அதிகரிப்பால், வடமாநிலங்களைச் சோ்ந்த ஆயிரக்கணக்கானோா் வியாபாரத்துக்காக வருகை தந்துள்ளனா். இவா்களில் பலரும் அடிவாரம் கிரிவீதி முழுக்க பல்வேறு பொருள்களை வைத்து வியாபாரம் செய்து வருகின்றனா்.

    இவா்களை சாலைகளை ஆக்கிரமித்து நின்று வியாபாரம் செய்து பக்தா்களுக்கு இடையூறாக இருப்பதோடு, பக்தா்களின் பொருள்கள் காணாமல் போவதற்கும் வாய்ப்பாக அமைந்துள்ளதாக புகாா் எழுந்துள்ளது.

    இவா்களை கண்காணித்து அப்புறப்படுத்த இந்து தமிழா் கட்சி கோரிக்கை விடுத்துள்ளது. இது தொடா்பான மனுக்களை பழனிக்கோயில் நிா்வாக அலுவலா் ஜெயசந்திரபானு ரெட்டி, சாா் ஆட்சியா் உமா, வட்டாட்சியா் பழனிச்சாமி, மாவட்ட காவல் துறை கண்காணிப்பாளா் விவேகானந்தன் ஆகியோரிடம் கட்சி நிறுவனா் இராம.ரவிக்குமாா் தலைமையில் மாநில குழு உறுப்பினா் மனோஜ் குமாா், மாவட்ட குழு உறுப்பினா் மருதுபாண்டி, ஆனந்தன் மற்றும் நகர பொறுப்பாளா்கள் செவ்வாய்க்கிழமை நேரில் சென்று வழங்கினா்.

    மனுவில் கூறியிருப்பது: பழனியில் கிரிவலப்பாதையில் வடமாநிலத்தவா்கள் பக்தா்களுக்கு தொந்தரவு செய்யும் வகையில் கட்டாயப்படுத்தி விற்பனை செய்து வருகிறாா்கள். இதனால் சிறு வியாபாரம் செய்து அன்றாடம் வாழ்க்கை நடத்தி வரும் உள்ளூா் வியாபாரிகள் பாதிக்கப்படுகிறாா்கள். மேலும் வடமாநிலத்தவா் இடும்பன் மலை செல்லும் பாதையில் அரசு புறம்போக்கு இடங்களில் சட்டவிரோதமாக குடில்கள் அமைத்தும் வடமாநிலத்தவா் தங்கியுள்ளனா். இவா்கள் தங்கியுள்ள பகுதியில் சட்டவிரோதச் செயல்களும் நடைபெறுகிறது. அதனால் இவா்களை கண்காணித்து ஆதாா் எண் மற்றும் அவா்களுடைய ஆவணங்களை சோதனையிட வேண்டும்.

    உள்ளூா் வியாபாரிகளுக்கு அடையாள அட்டை வழங்கி வியாபாரம் செய்ய வழி செய்ய வேண்டும் என தெரிவித்துள்ளனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai