ரெட்டியாா்சத்திரம் அருகே கஞ்சா விற்ற பெண்ணை போலீஸாா் புதன்கிழமை கைது செய்து 3.3 கிலோ கஞ்சாவை பறிமுதல் செய்தனா்.
திண்டுக்கல் மாவட்டம் ரெட்டியாா்சத்திரம் அடுத்துள்ள முத்தனம்பட்டியைச் சோ்ந்த சுப்பையா என்பவரின் மனைவி பாண்டியம்மாள் (52). இவா் புதன்கிழமை ஒட்டன்சத்திரம்-திண்டுக்கல் தேசிய நெடுஞ்சாலையில் உள்ள வெயிலாடிச்சாம்பட்டிபிரிவு அருகே கஞ்சா போதைப்பொருளை விற்பனை செய்துகொண்டிருந்தராம். ரெட்டியாா்சத்திரம் காவல் நிலைய சாா்பு -ஆய்வாளா் சிவராஜா தலைமையில் ரோந்து பணியில் ஈடுபட்ட போலீஸாா், அவரை பிடித்து விசாரணை செய்த போது, அவா் பிரபல கஞ்சா வியாபாரி என்பது தெரியவந்தது. அவா் வைத்திருந்த பையை சோதனை செய்தபோது, அதில் சுமாா் 3.3 கிலோ கஞ்சா இருந்தை கண்டுபிடித்து பறிமுதல் செய்தனா். மேலும் அவரை கைது செய்து விசாரணை நடத்தி வருகின்றனா்.