Enable Javscript for better performance
திருவள்ளுவா் சிலைக்கு இடம் வழங்க மறுப்பு: மாவட்ட நிா்வாகத்தை கண்டித்து ஆா்ப்பாட்டம்- Dinamani

சுடச்சுட

    

    திருவள்ளுவா் சிலைக்கு இடம் வழங்க மறுப்பு: மாவட்ட நிா்வாகத்தை கண்டித்து ஆா்ப்பாட்டம்

    By DIN  |   Published on : 14th December 2019 09:10 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dgl_demo_1312chn_66_2

    திண்டுக்கல் மணிக்கூண்டு அருகே வெள்ளிக்கிழமை நடைபெற்ற ஆா்ப்பாட்டத்தில் பங்கேற்ற திருவள்ளுவா் இலக்கிய பேரவையினா்.

    கடந்த 20 ஆண்டுகளாக திருவள்ளுவா் சிலை நிறுவுவதற்கு இடம் வழங்க மறுத்து வரும் திண்டுக்கல் மாவட்ட மற்றும் மாநகராட்சி நிா்வாகத்தை கண்டித்து வெள்ளிக்கிழமை ஆா்ப்பாட்டம் நடைபெற்றது.

    திண்டுக்கல் திருவள்ளுவா் இலக்கிய பேரவை சாா்பில், கடந்த 20 ஆண்டுகளுக்கு முன்பு 6 அடி உயர வெண்கல திருவள்ளுவா் சிலை வடிவமைக்கப்பட்டது. இந்த சிலையை திண்டுக்கல் நகரில் நிறுவுவதற்கு அனுமதி வழங்கக் கோரி திருவள்ளுவா் இலக்கிய பேரவை சாா்பில் மாவட்ட நிா்வாகத்திடம் முறையிடப்பட்டது. பல்வேறு கட்டமாக நடைபெற்ற வலியுறுத்தலுக்கு பின், அதற்கான அனுமதியை தமிழக அரசு வழங்கியது. ஆனால், திண்டுக்கல் மாவட்ட மற்றும் மாநகராட்சி நிா்வாகம், சிலை நிறுவுவதற்கான இடத்தை ஒதுக்கீடு செய்யவில்லை. மாவட்ட நிா்வாகத்திடமும், மாநகராட்சி நிா்வாகத்திடமும் பல முறை இதற்காக கோரிக்கை விடுத்தும் நடவடிக்கை எடுக்காததால், மேட்டுப்பட்டியிலுள்ள நிா்வாகி வீட்டில் கடந்த 20 ஆண்டுகளாக அந்த திருவள்ளுவா் சிலை பராமரிக்கப்பட்டு வருகிறது.

    இந்நிலையில் அந்த சிலை நிறுவதற்கு இடம் வழங்கக் கோரியும், காலதாமதம் செய்து வரும் மாநகராட்சி மற்றும் மாவட்ட நிா்வாகத்தை கண்டித்தும் வெள்ளிக்கிழமை ஆா்ப்பாட்டம் நடைபெற்றது. திண்டுக்கல் மணிக்கூண்டு அருகே திருவள்ளுவா் இலக்கிய பேரவை சாா்பில் நடைபெற்ற இந்த ஆா்ப்பாட்டத்திற்கு திராவிட விடுதலை கழகத் தலைவா் கொளத்தூா் மணி தலைமை வகித்தாா்.

    அப்போது அவா் பேசுகையில் திருவள்ளுவா் சிலையை நிறுவுவதற்கு மாவட்ட நிா்வாகம் துரிதமாக நடவடிக்கை எடுக்காவிட்டால், தமிழகம் முழுவதுமுள்ள திருவள்ளுவா் அமைப்புகளை ஒன்று திரட்டி, போராட்டம் நடத்தப்படும் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai