கொடைக்கானல் அருகே வாா்டு வரையறையில் குளறுபடி இருப்பதாகக் கூறி கிராம மக்கள் உள்ளாட்சித் தோ்தலை புறக்கணிக்கப் போவதாக அறிவித்துள்ளனா்.
உள்ளாட்சித் தோ்தலில் கொடைக்கான் ஊராட்சி ஒன்றிய அலுவலகத்தில் கடந்த 9 ஆம் தேதி முதல் வேட்பு மனுத் தாக்கல் நடைபெற்று வருகிறது. இந் நிலையில் கொடைக்கானல் மேல்மலைக் கிராமமான கவுஞ்சி கிராமத்தில் 7,8.9 ஆகிய 3 வாா்டுகள் இருந்துள்ளன. இதில் 7 மற்றும் 8 வது வாா்டு ஆகிய 2 வாா்டுகளை மன்னவனூா் ஊராட்சிக்கும் 9-வது வாா்டு பகுதியை பூண்டி ஊராட்சிக்கும் மாற்றியதாகக் கூறப்படுகிறது. இதற்கு அப் பகுதி மக்கள் எதிா்ப்பு தெரிவித்து வருகின்றனா். மேலும் 9-வது வாா்டையும் கவுஞ்சி கிராமத்துடன் சோ்க்க வேண்டுமென அவா்கள் கோரிக்கை விடுத்துள்ளனா்.
இதைத் தொடா்ந்து உள்ளாட்சித் தோ்தலை புறக்கணிக்கப் போவதாக சமூக வலைதளங்களில் விளம்பரங்கள் வெளியானதால் பரபரப்பு ஏற்பட்டுள்ளது.
இது குறித்து கவுஞ்சி கிராம மக்கள் கூறியது: 7,8, 9 ஆகிய 3-வாா்டுகளும் கவுஞ்சி கிராமத்தில் இருக்க வேண்டும். அப்போது தான் கிராம மக்கள் உள்ளாட்சித் தோ்தலில் வாக்களிப்போம் இல்லையெனில் தோ்தலை புறக்கணிப்போம் என்றனா்.
இது தொடா்பாக அதிகாரிகள் நடத்திய பேச்சுவாா்த்தையில் சுமூக முடிவுகள் எட்டப்படாததால் பரபரப்பு நிலவி வருகிறது.