Enable Javscript for better performance
குஜிலியம்பாறை அருகே மின்னல் தாக்கி 2 கன்றுகள் பலி- Dinamani

சுடச்சுட

    

    குஜிலியம்பாறை அருகே மின்னல் தாக்கி 2 கன்றுகள் உயிரிழந்தது குறித்து வருவாய்த்துறை மற்றும் கால்நடை மருத்துவா்கள் திங்கள்கிழமை விசாரணை மேற்கொண்டனா்.

    திண்டுக்கல் மாவட்டம், குஜிலியம்பாறை அடுத்துள்ள ஆா்.கோம்பை மேற்கு மேத்தப்பட்டி பகுதியைச் சோ்ந்தவா் சங்கரன்பிள்ளை. விவசாயியான இவா், அதே பகுதியிலுள்ள தோட்டத்தில் வசித்து வருகிறாா். அதே தோட்டத்தில் கறவைப் பசுக்களையும் வளா்த்து வருகிறாா். இந்நிலையில், கோயிலூா், குஜிலியம்பாறை சுற்றுப்புற பகுதிகளில் ஞாயிற்றுக்கிழமை இரவு பலத்த இடி மின்னுலுடன் சாரல் மழை பெய்தது. அப்போது, மின்னல் தாக்கி சங்கரன்பிள்ளைக்கு சொந்தமான ஒரு பசுங்கன்று மற்றும் ஒரு எருமைக் கன்று ஆகியன சம்பவ இடத்திலேயே உயிரிழந்தன.

    இதனிடையே, திங்கள்கிழமை அதிகாலை 3 மணிக்கு பால் கறவைக்கு சென்ற சங்கரன்பிள்ளை கன்றுகள் இறந்து கிடப்பதை பாா்த்து அதிா்ச்சி அடைந்தாா். இதுகுறித்து தகவல் அறிந்த குஜிலியம்பாறை வட்டாட்சியா் சிவசுப்பிரமணியன் மற்றும் கால்நடை மருத்துவா்கள் சம்பவ இடத்திற்கு சென்று விசாரணை மேற்கொண்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai