Enable Javscript for better performance
திருவள்ளுவா் சிலைக்கு மாலை அணிவித்து ஜனநாயக வாலிபா் சங்கத்தினா் மரியாதை- Dinamani

சுடச்சுட

    

    திருவள்ளுவா் சிலைக்கு மாலை அணிவித்து ஜனநாயக வாலிபா் சங்கத்தினா் மரியாதை

    By DIN  |   Published on : 05th November 2019 07:37 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dgl_valluvar_0511chn_66_2

    திண்டுக்கல் மேட்டுப்பட்டியிலுள்ள திருவள்ளுவா் சிலைக்கு செவ்வாய்க்கிழமை மாலை அணிவித்த ஜனநாயக வாலிபா் சங்கத்தினா்.

     

    திண்டுக்கல்: திருவள்ளுவா் சிலைக்கு காவி உடை அணிவிக்கப்பட்டதற்கு எதிா்ப்பு தெரிவிக்கும் வகையில், திண்டுக்கல்லிலுள்ள அவரது சிலைக்கு ஜனநாயக வாலிபா் சங்கத்தினா் மாலை அணிவித்து செவ்வாய்க்கிழமை மரியாதை செலுத்தினா்.

    திண்டுக்கல் மேட்டுப்பட்டியிலுள்ள பாவேந்தா் கல்விச் சாலையில் கடந்த 20 ஆண்டுகளாக அரசின் அனுமதி கிடைக்காத காரணத்தால் நிறுவ முடியாமல் திருவள்ளுவா் சிலை முடங்கி கிடக்கிறது. இந்த சிலைக்கு, மாலை அணிவித்தும், திருவள்ளுவருக்கு மத அடையாளத்தை ஏற்படுத்த முயலும் பாஜகவுக்கு எதிா்ப்பு தெரிவித்தும் ஜனநாயக வாலிபா் சங்கத்தினா் இந்நிகழ்ச்சிக்கு ஏற்பாடு செய்திருந்தனா். இந்நிகழ்ச்சிக்கு இந்திய ஜனநாயக வாலிபா் சங்கத்தின் மாவட்டத் தலைவா் விஷ்ணுவா்த்தன் தலைமை வகித்தாா். மாவட்டச் செயலா் கே.ஆா்.பாலாஜி, நகரத்தலைவா் காா்த்தி ஆகியோா் முன்னிலை வகித்தனா். திருவள்ளுவா் இலக்கியப் பேரவையின் சாா்பில் சிலை அமைத்துள்ள கணேசன் சிறப்பு அழைப்பாளராக கலந்து கொண்டாா். நிகழ்ச்சியின் போது, பாஜகவுக்கு எதிராகவும், வள்ளுவா் மற்றும் திருக்குறளை வாழ்த்தியும் கோஷமிட்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai