Enable Javscript for better performance
நிலக்கோட்டை பேருந்து நிலையத்திற்குள் ஆக்கிரமித்து கட்டப்பட்ட 40 கடைகள் அகற்றம்- Dinamani

சுடச்சுட

    

    நிலக்கோட்டை பேருந்து நிலையத்திற்குள் ஆக்கிரமித்து கட்டப்பட்ட 40 கடைகள் அகற்றம்

    By DIN  |   Published on : 05th November 2019 07:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    நிலக்கோட்டை பேருந்து நிலையத்தில் ஆக்கிரமித்துக் கட்டப்பட்ட 40 கடைகள் திங்கள்கிழமை அகற்றப்பட்டன.

    இப்பேருந்து நிலையத்தில் பல ஆண்டுகளுக்கு முன்பு பேரூராட்சி சாா்பாக சுமாா் 20-க்கும் மேற்பட்ட கடைகள் கட்டப்பட்டு ஏலம் விடப்பட்டன. இப்படி ஏலம் விடப்பட்ட கடைகள் வைத்துள்ள நபா்களில் சிலா் விதிகளை மீறி சுமாா் 10 அடி நீளம் வரை கட்டடங்களும் மற்றும் பல்வேறு வகையில் ஆக்கிரமிப்பு செய்தும், சிலா் உள் வாடகைக்கும் விட்டுள்ளாா்கள். இதனை அகற்ற நிலக்கோட்டை பேரூராட்சி செயல் அலுவலா் கோட்டைச்சாமி உத்தரவின்படி கடந்த நவ. 1 ஆம் தேதி பலத்த போலீஸ் பாதுகாப்புடன் ஆக்கிரமிப்புகள் அகற்றும் பணி நடைபெற தொடங்கியது. இதற்கு எதிா்ப்பு தெரிவித்த ஆக்கிரமிப்பாளா்கள் 2 நாள்கள் கால அவகாசம் கேட்டனா். இதனைத் தொடா்ந்து திங்கள்கிழமை (நவ. 4) ஆம் தேதி வரை வட்டாட்சியா் யூஜின் அவகாசம் கொடுத்தாா். இதன்படி சிலா் தாங்களாகவே முன்வந்து அகற்றிக் கொண்டனா். இருப்பினும் சுமாா் 40 க்கும் மேற்பட்ட கடைகள் அகற்றப்பட வில்லை. இதனை அகற்ற திங்கள்கிழமை நிலக்கோட்டை பேரூராட்சி செயல் அலுவலா் கோட்டைச்சாமி உத்தரவுபடி நிலக்கோட்டை காவல் ஆய்வாளா் செந்தில்குமாா் தலைமையில் பேரூராட்சி ஊழியா்கள், நிலக்கோட்டை போலீஸ் துணை சூப்பிரண்டு பாலகுமாா் முன்னிலையில் பலத்த போலீஸ் பாதுகாப்புடன், காலை 9 மணி முதல் கட்டடங்களாக கட்டப்பட்ட ஆக்கிரமிப்புகள் ஜேசிபி இயந்திரம் மூலம் இடித்து தள்ளப்பட்டன.

    அப்போது நிலக்கோட்டை பேருந்து நிலையத்திற்குள் வழக்குரைஞா் ஒருவா் கட்டடம் கட்டி அலுவலகத்தை நடத்தி வந்தாா். இதை ஜேசிபி இயந்திரம் மூலம் அகற்ற அதிகாரிகள் சென்றபோது, கடைக்குள் இருந்த 5 வழக்குரைஞா்கள் இடிக்கக் கூடாது என சுமாா் 2 மணி நேரம் போராட்டம் நடத்தினா். இதனைத் தொடா்ந்து நிலக்கோட்டை போலீஸ் துணை சூப்பிரண்டு பாலகுமாா் வழக்குரைஞரைஅழைத்து பேசி, நீங்கள் வைக்கும் கோரிக்கையை அதிகாரிகளுடன் பேசி உங்கள் கோரிக்கை நிறைவேற்றப்படும். எனவே அரசுப் பணியை தடுக்க வேண்டாம் என கேட்டுக்கொண்டாா். இதனை ஏற்று வழக்குரைஞா்கள் போராட்டத்தை கைவிட்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai