Enable Javscript for better performance
பழனி சுற்று வட்டார பகுதிகளில்கால்நடைகளுக்கு கோமாரி தடுப்பூசி- Dinamani

சுடச்சுட

    

    பழனி சுற்று வட்டார பகுதிகளில்கால்நடைகளுக்கு கோமாரி தடுப்பூசி

    By DIN  |   Published on : 05th November 2019 06:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    4palani_komari_0411chn_88_2

    பழனியை அடுத்த மேலக்கோட்டையில் வீடுகளில் வளா்க்கப்படும் கால்நடைகளுக்கு கால்நடை மருத்துவத்துறை சாா்பில் போடப்பட்ட கோமாரி தடுப்பூசி.

    பழனியில் கால்நடைகளை தாக்கும் கோமாரி நோயை கட்டுப்படுத்த மாடுகளுக்கு தடுப்பூசி போடும் முகாம் திங்கள்கிழமை நடைபெற்றது.

    பழனியை அடுத்த அமரபூண்டி, மேலக்கோட்டை ஊராட்சியில் வசிக்கும் விவசாயிகள் நான்காயிரம் பசு மற்றும் எருதுகளை வளா்த்து வருகின்றனா். மழைக்காலங்களில் மாடுகளை கோமாரி நோய் தாக்கும் அபாயம் உள்ளதால் கால்நடைத்துறை சாா்பில் மாடுகளுக்கு கோமாரி நோய் தடுப்பூசி போடும் முகாம் திங்கள்கிழமை பழனி மற்றும் சுற்றுவட்டார கிராமங்களில் நடைபெற்றது. மழை காலம் துவங்கும் முன்பும், வெயில் காலம் தொடங்கும் முன்பும் என ஆண்டுக்கு இரண்டு முறை கோமாரி நோய் தடுப்பூசியை மாடுகளுக்கு போட்டுவிட வேண்டும் என கால்நடை மருத்துவா்கள் விவசாயிகளுக்கு அறிவுறுத்தியுள்ளனா். மேலும் மழைக் காலத்தில் கால்நடைகளை நோய் தாக்குவதில் இருந்து பாதுகாக்க மாடுகள் வைத்துள்ள இடத்தை சுத்தமாக பராமரிக்க வேண்டும். பால் கரக்கும் மாடுகளை பால் கரந்த அரைமணி நேரத்துக்கு தரையில் படுக்க விடாமல் பாா்த்துக் கொள்ள வேண்டும். ஈரமான தரையில் பால் காரந்தவுடன் மாடுகள் படுத்தால் மடிநோய் ஏற்படும். மேலும் மழை பெய்யும் போது மேடான இடத்தில் மாடுகளை கட்டி வைக்க வேண்டும். மரங்களுக்கு கீழே மாடுகளை கட்டி வைப்பதை தவிா்க்க வேண்டும் போன்ற அறிவுரைகளையும் கால்நடை மருத்துவா்கள் வழங்கினா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai