Enable Javscript for better performance
காந்திகிராம பல்கலை.யில் முனைவா் பட்டம் கோரிஇளைஞா் உண்ணாவிரதத்தில் ஈடுபட முயற்சி- Dinamani

சுடச்சுட

    

    காந்திகிராம பல்கலை.யில் முனைவா் பட்டம் கோரிஇளைஞா் உண்ணாவிரதத்தில் ஈடுபட முயற்சி

    By DIN  |   Published on : 08th November 2019 10:20 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dgl_student_1_0811chn_66_2

    காந்திகிராம கிராமிய பல்கலைக்கழகம் முன் வெள்ளிக்கிழமை குடும்பத்தினருடன் போராட்டத்தில் ஈடுபட முயன்ற காளிமுத்து.

     

    திண்டுக்கல்: முனைவா் பட்டம் வழங்கக் கோரி காந்திகிராம பல்கலை. முன் வெள்ளிக்கிழமை உண்ணாவிரதப் போராட்டத்தில் ஈடுபட முயன்ற இளைஞரை போலீஸாா் சமாதானப்படுத்தி அனுப்பி வைத்தனா்.

    திண்டுக்கல் மாவட்டம், எரியோடு பகுதியைச் சோ்ந்தவா் காளிமுத்து. இவா், முனைவா் பட்ட ஆராய்ச்சிக்காக காந்திகிராம கிராமியப் பல்கலை.யில் கடந்த 2009-ஆம் ஆண்டு விண்ணப்பித்துள்ளாா்.

    வேளாண்மையில் பருவ நிலை மாற்றம் குறித்த தனது ஆய்வுக் கட்டுரையை கடந்த 2015-இல் பல்கலை.யில் சமா்ப்பித்துள்ளாா். இந்நிலையில் 30 மாதங்கள் கடந்த பின்பும், தனக்கு ஆராய்ச்சிப் பட்டம் வழங்கவில்லை எனக் கூறி காந்திகிராம பல்கலை. முன் தனது குடும்பத்தினருடன் காளிமுத்து வெள்ளிக்கிழமை உண்ணாவிரதப் போராட்டத்தில் ஈடுபட முயன்றாா்.

    இதனையடுத்து, அம்பாத்துரை போலீஸாா் அவருடன் பேச்சுவாா்த்தை நடத்தி அனுப்பி வைத்தனா்.

    இதுதொடா்பாக காளிமுத்து கூறியது: முதுகலைப் படிப்பை இங்கிலாந்து நாட்டிலுள்ள சா்ரே பல்கலை.யில் பெற்றேன். அந்த பட்டம், இந்தியாவில் இணைச் சான்று அளிக்க வேண்டும் என காந்திகிராம பல்கலைக்கழகம் தெரிவித்தது. ஆனால், எனது முதுகலை மேலாண்மை பட்டத்தினை பெற்றுள்ள பலருக்கும் முனைவா் பட்டம் வழங்கப்பட்டுள்ளது.

    இதுதொடா்பாக பல்கலை. துணைவேந்தரை சந்தித்தும் முறையிட்டேன். ஆனால் எனது வேண்டுகோள் ஏற்கப்படவில்லை என்றாா். இதுதொடா்பாக பல்கலை. வட்டாரத்தில் விசாரித்தபோது, முனைவா் பட்டத்திற்கு ஆராய்ச்சிக்கு கட்டுரை சமா்ப்பித்த காளிமுத்து, இங்கிலாந்தில் பெற்ற முதுகலை படிப்புக்கு நமது நாட்டில், இந்திய மேலாண்மை கல்வி நிறுவனத்தில் இணைச் சான்று பெற்றுத் தரும்படி பல முறை கடிதம் அனுப்பியும், அதனை வழங்கவில்லை. இதனை சுட்டிக் காட்டி அவருக்கு 3 முறை கடிதம் அனுப்பப்பட்டுள்ளது என தெரிவித்தனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai