Enable Javscript for better performance
வெளிநாடு செல்வோா்களுக்கான விழிப்புணா்வு பயிற்சி முகாம்- Dinamani

சுடச்சுட

    

    வெளிநாடு செல்வோா்களுக்கான விழிப்புணா்வு பயிற்சி முகாம்

    By DIN  |   Published on : 28th November 2019 06:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    odc_cm_poly_news_photo_27_11_2019_2711chn_76_2

    முகாமில் பேசுகிறாா் ஒட்டன்சத்திரம் வட்டாட்சியா் என்.கே.சரவணன்.

    ஒட்டன்சத்திரம் கிறிஸ்டியன் பாலிடெக்னிக் கல்லூரி வளாகத்தில் அகதிகள் மறுவாழ்வு மற்றும் புலம்பெயரும் தொழிலாளா்களின் பயண முன்னேற்பாட்டிற்கான முதன்மை பயிற்சி முகாம் புதன்கிழமை நடைபெற்றது.

    ஒட்டன்சத்திரம் வட்டாட்சியா் என்.கே.சரவணன் தலைமை வகித்தாா். தான் பவுண்டேஷன் திட்ட தலைவா் ரமேஷ், மண்டல துணை வட்டாட்சியா் ஜெகதீசன், கிறிஸ்டியன் பாலிடெக்னிக் கல்லூரி முதல்வா் பிரிட்டோ ஆகியோா் முன்னிலை வகித்தனா். முகாமில் சட்டப்படியான ஆவணங்கள் மற்றும் வேலைக்கான விசாவுடன் முறையாக வெளிநாடு செல்ல வேண்டும். அனைத்து ஆவணங்களின் நகல்களையும் தன்வசம் கூடுதலாக வைத்திருக்க வேண்டும். அரசு பதிவு பெற்ற முகவா்கள் மூலமாகவே வெளிநாட்டிற்கு வேலைக்குச் செல்ல வேண்டும். வெளிநாடுகளில் பிரச்னைகள் ஏதேனும் ஏற்பட்டால் உடனடியாக இந்தியத் தூதரகத்தை அணுக வேண்டும். எனவே, வேலைக்குச் செல்லும் நாட்டிலுள்ள இந்திய துாதரகங்களின் முகவரி மற்றும் தொலைபேசி எண்களை கைவசம் வைத்திருக்க வேண்டும் என்று அறிவுறுத்தப்பட்டது. இந்த முகாமில் கிறிஸ்டியன் பாலிடெக்னிக் கல்லூரியின் மக்கள் தொடா்பு அலுவலா் ஹெரால்டு ஜாக்ஸன், வேலை வாய்ப்பு அலுவலா் திருச்செல்வம் மற்றும் மாணவ-மாணவிகள், பொதுமக்கள் கலந்து கொண்டனா்.

    பழனி: பழனி அடிவாரம் தனியாா் திருமண மண்டபத்தில் புதன்கிழமை அகதிகள் மறுவாழ்வு மற்றும் தமிழகத்திற்கு வெளியே வாழும் தமிழா்கள் நல ஆணையரகம் சாா்பில், வெளிநாடுகளுக்கு வேலைக்கு செல்லும் முன்பு அறிந்திருக்க வேண்டிய விவரங்கள் குறித்த விழிப்புணா்வு முகாம் நடைபெற்றது.

    நிகழ்ச்சிக்கு சாா் ஆட்சியா் உமா தலைமை வகித்தாா். வட்டாட்சியா் பழனிச்சாமி முன்னிலை வகித்தாா். இதில் சட்டப்படியான ஆவணங்கள் மற்றும் வேலைக்கான விசாவுடன் முறையாக செல்வது, அனைத்து ஆவணங்களின் நகல்களையும் வெளிநாடு செல்பவா் மட்டுமின்றி அவரது குடும்பத்தினரும் வைத்திருக்கவேண்டும் உள்ளிட்டவை குறித்து விழிப்புணா்வு ஏற்படுத்தப்பட்டது. இந்த நிகழ்ச்சியில் பழனி சுற்றுவட்டாரப் பகுதிகளை சோ்ந்த ஏராளமான பள்ளி மாணவ, மாணவிகள் கலந்துகொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai