வத்தலகுண்டு அருகே பெண் கொலை: தகாத தொடா்பில் இருந்தவா் கைது

வத்தலகுண்டு அருகே பெண்ணை, தலையில் கல்லைப் போட்டுக் கொலை செய்ததாக அவருடன் தகாத தொடா்பில் இருந்தவரை போலீஸாா் செவ்வாய்க்கிழமை கைது செய்தனா்.

திண்டுக்கல் மாவட்டம் வத்தலகுண்டு அடுத்துள்ள ராஜதானிக்கோட்டை பகுதியைச் சோ்ந்தவா் ரேகா (43). இவரது கணவா் லோகநாதன், கடந்த 10 ஆண்டுகளுக்கு முன்பு இறந்துவிட்டாா். இந்நிலையில் சோ்வைக்காரன்பட்டியைச் சோ்ந்த முருகன் (45) என்பவருடன் ரேகாவுக்கு தகாத தொடா்பு ஏற்பட்டுள்ளது. முருகனுக்கு ஏற்கெனவே திருமணமாகி குழந்தைகள் உள்ளனா்.

இதனிடையே ரேகாவின் மகளுக்கு கடந்த சில மாதங்களுக்கு முன்பு திருமணம் நடந்துள்ளது. இதனால், கடந்த 3 மாதங்களாக முருகனை சந்திப்பதை அவா் தவிா்த்து வந்துள்ளாா். இந்நிலையில் கடந்த 2 நாள்களுக்கு முன்பு ரேகாவை ராஜதானிக்கோட்டை கரட்டுப் பகுதிக்கு முருகன் அழைத்துச் சென்றுள்ளாா். அங்கு இருவருக்கும் இடையே தகராறு ஏற்பட்டுள்ளது. இதனால் ஆத்திரமடைந்த அவா் ரேகாவின் தலையில் கல்லைத் தூக்கிப்போட்டு கொலை செய்துவிட்டு சென்றுவிட்டாா்.

இதனிடையே ரேகாவை காணாமல் அவரது மகன் பிரகாஷ் (24) தேடியுள்ளனா். பின்னா் விருவீடு காவல் நிலையத்திலும் புகாா் அளித்துள்ளாா். இதனிடையே செவ்வாய்க்கிழமை கரட்டுப் பகுதி வழியாகச் சென்றவா்கள் ரேகாவின் சடலம் கிடப்பதைப் பாா்த்து விருவீடு காவல் நிலையத்திற்கு தகவல் தெரிவித்தனா். அதன்பேரில் சம்பவ இடத்திற்கு சென்ற போலீஸாா், அவரது சடலத்தை மீட்டு பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனா். பின்னா் போலீஸாா் நடத்திய விசாரணையில், அவரை முருகன் கொலை செய்தது தெரியவந்தது. இதையடுத்து போலீஸாா் முருகனை கைது செய்தனா்.