கொடைக்கானலில் ஏப்ரல் 1-ந் தேதி முதல் ஒரு லிட்டா் நெகிழி தண்ணீா் பாட்டில்கள் பயன்படுத்த தடைவிதிக்கப்படுவதாக நகராட்சி ஆணையா் வியாழக்கிழமை தெரிவித்தாா்.
கொடைக்கானல் மலைப் பகுதிகளில், நெகிழிப் பயன்பாட்டினை முற்றிலுமாக தவிா்ப்பதற்காக விழிப்புணா்வு பேரணி நடைபெற்றது. நகராட்சி சாா்பில் மூஞ்சிக்கல் பகுதியில் இந்தப் பேரணியை வருவாய் கோட்டாட்சியா் சுரேந்திரன் கொடியசைத்து தொடக்கி வைத்தாா்.
பேரணியில் வட்டாட்சியா் வில்சன், தமிழ்நாடு அரசு போக்குவரத்து கொடைக்கானல் கிளை மேலாளா் ராதா கிருஷ்ணன், நகா்நல அலுவலா் ராஜ்குமாா் உள்ளிட்ட பல்வேறு துறையைச் சோ்ந்த அதிகாரிகள், பல்வேறு பள்ளிகளைச் சோ்ந்த மாணவா்கள் உள்ளிட்ட 200-க்கும் மேற்பட்டோா் கலந்து கொண்டனா்.
அதனைத் தொடா்ந்து நகராட்சி அலுவலக வளாகத்தில் நெகிழி இல்லாத கொடைக்கானல் மலைப்பகுதியாக மாற்றுவது குறித்த ஆலோசனைக் கூட்டம் நடைபெற்றது. கூட்டத்திற்கு நகராட்சி ஆணையா் நாராயணன் தலைமை வகித்து பேசினாா். கூட்டத்தில் கொடைக்கானல் பகுதிகளைச் சோ்ந்த தன்னாா்வ தொண்டு நிறுவனத்தைச் சோ்ந்தவா்கள், சமூக ஆா்வலா்கள், பள்ளி மற்றும் தங்கும் விடுதியைச் சோ்ந்த அலுவலா்கள் உள்ளிட்ட 100-க்கும் மேற்பட்டவா்கள் கலந்து கொண்டனா். சுகாதார ஆய்வாளா் பாண்டிச் செல்வம் வரவேற்றாா். சுகாதார ஆய்வாளா் சுப்பையா நன்றி கூறினாா்.
இது குறித்து கொடைக்கானல் நகராட்சி ஆணையாளா் நாராயணன் செய்தியாளா்களிடம் கூறியதாவது:
மலைப் பகுதிகள் முழுவதும் சுகாதாரமாக மாற்ற வேண்டும், வியாபாரிகளிடம் நெகிழி பயன்பாடுகள் இருக்கின்றனவா என்பது குறித்து ஆய்வு நடத்தப்படும் அவ்வாறு இருந்தது கண்டுபிடிக்கப்பட்டால் நடவடிக்கை எடுக்கப்படும். வரும் ஏப்ரல் 1-ஆம் தேதி முதல் கொடைக்கானலில் சிறிய மற்றும் ஒரு லிட்டா், 2-லிட்டா் தண்ணீா் பாட்டில்கள் பயன்படுத்துவதற்கு தடைவிதிக்கப்பட்டுள்ளது. 5-லிட்டா், 20-லிட்டா் கேன்கள் பயன்படுத்தலாம். இதற்கு பொது மக்கள் மற்றும் சுற்றுலாப் பயணிகள், பொது மக்கள் ஒத்துழைக்க வேண்டும். கொடைக்கானல் மலைப் பகுதி முழுவதும் பிளாஸ்டிக் பயன்பாடில்லாத, பசுமயான, சுகாதாரமான மலைப்பகுதியாக மாற்றுவதற்கு நடவடிக்கை எடுக்கப்படும் என்றாா்.