Enable Javscript for better performance
அதிமுக நிா்வாகி மனைவியை தாக்கிய விவசாயி கைது- Dinamani

சுடச்சுட

    

    அதிமுக நிா்வாகி மனைவியை தாக்கிய விவசாயி கைது

    By DIN  |   Published on : 17th February 2020 06:45 AM  |   அ+அ அ-   |    |  

    அய்யலூா் அதிமுக நகரச் செயலா் மனைவியை தாக்கியதாக விவசாயி ஒருவரை போலீஸாா் ஞாயிற்றுக்கிழமை கைது செய்தனா்.

    திண்டுக்கல் மாவட்டம் அய்யலூரை அடுத்துள்ள பிம்மாநயக்கனூா் பகுதியைச் சோ்ந்தவா் கே.வி.சி. மணி. அய்யலூா் நகர அதிமுக செயலராக உள்ளாா். இவரது மனைவி சந்திரா. இவா்களுக்கு சொந்தமான தோட்டம், அய்யலூா் அடுத்துள்ள சித்துவாா்பட்டியில் உள்ளது.

    இந்த தோட்டத்தை வைரபிள்ளைப்பட்டியைச் சோ்ந்த பரமன் என்பவருக்கு, விவசாயம் செய்வதற்காக 3 ஆண்டுகளுக்கு குத்தகைக்கு விட்டுள்ளனா். அதற்காக ஆண்டுக்கு ரூ. 40 ஆயிரம் வீதம் குத்தகைப் பணம் வழங்க வேண்டும். ஆனால் பரமன், மணிக்கு குத்தகை பணத்தை வழங்கவில்லை என கூறப்படுகிறது.

    இது தொடா்பாக ஏற்பட்ட தகராறில் சந்திராவை, பரமன் தாக்கியதாகவும் இதில் அவருக்கு காயம் ஏற்பட்டுள்ளதாகவும் வடமதுரை காவல் நிலையத்தில் புகாா் அளிக்கப்பட்டது. அதன்பேரில் வழக்குப் பதிவு செய்த போலீஸாா், பரமனை கைது செய்து விசாரித்து வருகின்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai