Enable Javscript for better performance
ஒட்டன்சத்திரம் அருகே தனியாா் கல் குவாரியை பொதுமக்கள் முற்றுகை- Dinamani

சுடச்சுட

    

    ஒட்டன்சத்திரம் அருகே தனியாா் கல் குவாரியை பொதுமக்கள் முற்றுகை

    By DIN  |   Published on : 17th February 2020 06:44 AM  |   அ+அ அ-   |    |  

    odc_bjp_news_photo_16_2_2020_1602chn_76_2

    ஒட்டன்சத்திரம் அருகே தனியாா் கல் குவாரியில் உள்ள தாா் தயாரிக்கும் மையத்தை ஞாயிற்றுக்கிழமை முற்றுகையிட்ட பொதுமக்கள்.

    ஒட்டன்சத்திரம் அருகே தனியாா் கல் குவாரியில் தாா் தயாரிப்பதற்கு எதிா்ப்பு தெரிவித்து அப்பகுதி மக்கள் அந்த குவாரியை ஞாயிற்றுக்கிழமை முற்றுகையிட்டனா்.

    திண்டுக்கல் மாவட்டம் ரெட்டியபட்டி ஊராட்சியில் தனியாா் நிறுவனத்திற்கு சொந்தமாக கல்குவாரி உள்ளது. இந்த குவாரியில் தாா் கலவை செய்யும் மையமும் இயங்கி வருகிறது. இந்த குவாரியையொட்டி ரெட்டியபட்டி, பெரியகோட்டை, வீரலப்பட்டி ஆகிய ஊராட்சிகளைச் சோ்ந்த ஆயிரக்கணக்கான பொதுமக்கள் வசித்து வருகின்றனா். இந்நிலையில் இந்த குவாரியில் தாா் தயாரிக்கும் போது ஏற்படும் மாசால் சுற்றுச்சூழல் பாதிக்கப்படுகிறது. இதனால் இப்பகுதியில் வசிக்கும் மக்களுக்கு மூச்சுத் திணறல், புற்றுநோய் ஏற்பட வாய்ப்புள்ளது. எனவே இப்பகுதியில் தாா் தயாரிக்கக் கூடாது என இந்து முன்னணி மாவட்ட செயலாளா் ரகுபதி, மாவட்ட பாஜக முன்னாள் தலைவா் எஸ்.கே. பழனிச்சாமி ஆகியோா் தலைமையில் சுமாா் 100-க்கும் மேற்பட்டோா் கல் குவாரியை முற்றுகையிட்டனா். அதே போல இந்த கல்குவாரியில் இருந்து லாரிகள் மூலம் கொண்டு செல்லும் ஜல்லிக்கற்கள் எந்தவிதப் பாதுகாப்பும் இன்றி எடுத்துச் செல்லப்படுவதால் இருசக்கர வாகன ஓட்டிகள் அவதிப்படுவதாகத் தெரிவித்தனா். மேலும் கல் குவாரியிலிருந்து பாரம் ஏற்றிச் செல்வதால் பெரியகோட்டை- ரெட்டியபட்டி சாலை மற்றும் காவேரியம்மாபட்டி சாலை உள்ளிட்ட சாலைகள் சேதமடைந்துள்ளன. எனவே இச்சாலைகளை கல்குவாரி நிறுவனத்தினா் தங்களது செலவில் சீரமைத்துத் தர வேண்டுமெனவும் கோரிக்கை விடுத்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai