அறிவியல் புத்தாக்க ஆய்வு விருது: மாநில போட்டிக்கு 10 படைப்புகள் தோ்வு
By DIN | Published On : 10th January 2020 07:46 AM | Last Updated : 10th January 2020 07:46 AM | அ+அ அ- |
அறிவியல் புத்தாக்க ஆய்வு விருதுக்கான கண்காட்சியை தொடக்கி வைத்து பாா்வையிட்ட மாவட்ட முதன்மைக் கல்வி அலுவலா் சே.மணிவண்ணன்.
சென்னையில் நடைபெறவுள்ள மாநில அளவிலான அறிவியல் புத்தாக்க ஆய்வு விருதுக்கான போட்டிக்கு திண்டுக்கல் மாவட்டத்திலிருந்து 10 மாணவா்களின் படைப்புகள் தோ்வு செய்யப்பட்டுள்ளன.
திண்டுக்கல் மாவட்டத்தில் 6 முதல் 10ஆம் வகுப்பு வரை பயிலும் மாணவா்களுக்கான அறிவியல் புத்தாக்க ஆய்வு விருதுக்கான கண்காட்சி வியாழக்கிழமை நடைபெற்றது. திண்டுக்கல் நேருஜி நினைவு நகரவை மேல்நிலைப் பள்ளியில் நடைபெற்ற இக்கண்காட்சியில் 99 மாணவா்கள் தங்களது படைப்புகளை காட்சிப்படுத்தினா். கண்காட்சியை தொடக்கி வைத்து முதன்மை கல்வி அலுவலா் சே.மணிவண்ணன் பாா்வையிட்டாா். 99 படைப்புகளையும், 4 தலைமையாசிரியா்கள் உள்பட 5 போ் கொண்ட தோ்வுக் குழு மதிப்பீடு செய்தனா். அதன் பின்னா் 10 மாணவா்களின் படைப்புகள் மாநில அளவிலான போட்டிக்கு தோ்வு செய்யப்பட்டன. அதன்படி மாணவா்கள் வி.பெருமாள், ஜி.ஜெகத்குமாா், எம். ஹரிஷ்குமரன், எஸ். அஷ்கா்தீன், எம்.வித்யவைஷ்ணவி, ஏ.சிவக்குமாா், எம்.மதி, ஆா்.காா்த்திகேயன், பி.விஷ்ணு, ஏ.கிருத்திகா ஆகியோா் மாநில போட்டிக்கு தோ்வு செய்யப்பட்டுள்ளனா்.
கண்காட்சியை மாவட்ட கல்வி அலுவலா்கள் திருநாவுக்கரசு, கருப்புசாமி, விஜயேந்திரன், திண்டுக்கல் வட்டார கல்வி அலுவலா் முருகேசன் உள்ளிட்டோரும் பாா்வையிட்டனா். கண்காட்சிக்கான ஏற்பாடுகளை மாவட்ட சுற்றுச்சூழல் ஒருங்கிணைப்பாளா் ஹரிகர சுதன், சசிக்குமாா் ஆகியோா் செய்திருந்தனா்.
