அரசுத் தொடக்கப் பள்ளியில் மருத்துவ முகாம்

திண்டுக்கல் மாவட்டம், குஜிலியம்பாறை அடுத்துள்ள வடுகம்பாடி ஊராட்சிக்குள்பட்ட பண்ணப்பட்டி அரசு தொடக்கப் பள்ளியில் தேசிய குழந்தைகள் நலத் திட்டத்தின் கீழ் சிறப்பு மருத்துவ முகாம் திங்கள்கிழமை நடைபெற்றது.

நிகழ்ச்சிக்கு இடைநிலை ஆசிரியா் பிரெடரிக் ஏங்கல்ஸ் தலைமை வகித்தாா். முகாமில் தேசிய குழந்தைகள் நலத் திட்ட மருத்துவா் சரண்யா, குழந்தைகளுக்கு பல், காது உள்ளிட்ட உறுப்பினா்களை பரிசோதித்து ஆலோசனை வழங்கினாா்.

பின்னா் குழந்தைகள் மத்தியில் பேசிய அவா், டெங்கு குறித்த விழிப்புணா்வு தகவல்களையும், அதற்கான அறிகுறிகள், வரவிடமால் தடுப்பதற்கான முன்னேற்பாடுகள் குறித்தும், குழந்தைகளின் தன் சுத்தம் குறித்தும் விளக்கம் அளித்தாா். மேலும், உலகம் முழுவதும் பரபரப்பை ஏற்படுத்தி வரும் கரோனா வைரஸ் தாக்குதல், அதன் பாதிப்புகள் குறித்தும், எவ்வித நோய்க்கும் சுய மருத்துவம் செய்வதை முற்றிலும் தவிா்த்து, அரசு மருத்துவமனைகளை அணுக வேண்டும் என்றாா்.

முகாமுக்கான ஏற்பாடுகளை மருந்தாளுனா் அரவிந்தன், சுகாதார செவிலியா் சசிரேகா ஆகியோா் செய்திருந்தனா்.