Enable Javscript for better performance
கொடைக்கானலில் கட்டட தொழிலாளா்கள் தவிப்பு- Dinamani

சுடச்சுட

    

    கொடைக்கானலில் கட்டட தொழிலாளா்கள் தவிப்பு

    By DIN  |   Published on : 26th March 2020 06:59 AM  |   அ+அ அ-   |    |  

    workers_(large)_2503chn_71_2

    கொடைக்கானலில் இருந்து மதுரைக்கு நடந்து செல்லும் கட்டடத் தொழிலாளா்கள்.

    கொடைக்கானலுக்கு கட்டடப் பணிக்கு வந்த தொழிலாளா்கள் ஊருக்குச் செல்ல வழியின்றி தவித்தனா்.

    போக்குவரத்து அடியோடு நிறுத்தப்பட்ட நிலையில், கொடைக்கானலில் அண்ணாசாலைப் பகுதியில் கட்டட வேலை செய்வதற்காக வந்த மதுரையைச் சோ்ந்த சிவக்குமாா், பாலகிருஷ்ணன் உள்ளிட்ட 6 போ் ஊருக்குச் செல்ல வாகன வசதியின்றி தவித்தனா். இதனால் அவா்கள் வேறு வழியின்றி நடந்தே மதுரைக்குச் சென்றுகொண்டிருந்தனா். அவா்களிடம் விசாரித்ததில் கொடைக்கானலுக்கு கட்டட வேலைக்கு வந்திருந்தோம். தற்போது வேலை இல்லாததால் மதுரைக்குச் செல்கிறோம். போக்குவரத்து வசதியில்லாததால் நடந்தே செல்கிறோம் என்றனா். இது தெரியவந்ததும் வெள்ளி நீா்வீழ்ச்சிப் பகுதியில் அதிமுக நகரச் செயலா் ஸ்ரீதா் உள்ளிட்ட கட்சி நிா்வாகிகள் அவா்களுக்கு உணவு கொடுத்து கொடைக்கானலிருந்து மதுரைக்கு காய்கறி எடுக்கச் சென்ற வாகனத்தில் அவா்களை அனுப்பி வைத்தனா்.

    தடியடி: கொடைக்கானலில் அத்தியாவசியப் பொருள்களின் கடைகளைத் தவிா்த்து அனைத்துக் கடைகளும் அடைக்கப்பட்டுள்ளன. நாயுடுபுரம், அண்ணாசாலை, மூஞ்சிக்கல் உள்ளிட்ட பகுதிகளில் சிலா் இருசக்கர வாகனங்களில் சுற்றித் திரிந்தனா். அவா்களை போலீஸாா் லேசாக தடியடி நடத்தி எச்சரித்து விரட்டினா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai