பழனி அடிவாரம் கிரிவீதியில் கந்தசஷ்டி விழாவின் முக்கிய நிகழ்ச்சியான சூரசம்ஹாரம் வெள்ளிக்கிழமை நடைபெற்றது. கரோனா தொற்று பரவல் காரணமாக பக்தா்கள் அனுமதிக்கப்படாத நிலையில் அதிகாரிகள் மற்றும் கோயில் பணியாளா்கள் மட்டுமே பங்கேற்றனா்.
திண்டுக்கல் மாவட்டம் பழனி தண்டாயுதபாணி சுவாமி கோயிலில் நடைபெறும் முக்கிய நிகழ்ச்சிகளில் கந்தசஷ்டி விழாவும் ஒன்றாகும். முழுக்க, முழுக்க மலைக்கோயிலிலேயே நடக்கும் இந்த விழாவிற்கு சுவாமி புறப்பாட்டில் பங்கேற்க கோயில் யானை கஸ்தூரி மலைக்கோயிலிலேயே தங்கியிருப்பது சிறப்பம்சமாகும்.
இவ்விழா நவ.15 ஆம் தேதி (ஞாயிற்றுக்கிழமை) காப்புக்கட்டுதலுடன் தொடங்கியது. விழாவின் முக்கிய நிகழ்ச்சியான சூரசம்ஹாரம் வெள்ளிக்கிழமை நடைபெற்றது. விழாவையொட்டி பிற்பகல் உச்சிக்கால பூஜையைத் தொடா்ந்து சாயரட்சை பூஜை நடைபெற்றது. பிற்பகல் 2.30 மணிக்கு மலைக்கொழுந்து அம்மனிடம் வேல் வாங்குதல், மூலவா் சன்னிதியில் வைத்து வேலுக்கு சிறப்பு பூஜைகள் செய்தல் ஆகியன நடைபெற்றன. பின்னா் சின்னக்குமாரசுவாமி அம்பு, கேடயம் சகிதமாக பராசக்தி வேலுடன் படிவழியாக அடிவாரம் வந்தடைந்தாா்.
இதையடுத்து மலைக்கோயில் சன்னிதி திருக்காப்பிடப்பட்டது. பின்னா் திருஆவினன்குடி கோயிலில் குழந்தை வேலாயுதசுவாமியிடம் வைத்து வேலுக்கு பூஜை செய்யப்பட்டது. பின்னா் திருஆவினன்குடி கோயிலும் திருக்காப்பிடப்பட்டது. விழாவையொட்டி பழனி பெரியநாயகியம்மன் கோயிலில் இருந்து வள்ளி, தெய்வானையுடன் சமேதா் முத்துக்குமாரசுவாமி வெள்ளி மயில் வாகனத்தில் அடிவாரம் எழுந்தருளினாா்.
பின்னா் மாலை 6 மணியளவில் சின்னக்குமாரசுவாமி தங்கமயில் வாகனத்தில் சூரனை வதம் செய்ய எழுந்தருளினாா். தெற்கு கிரிவீதியில் முதல் நிகழ்ச்சியாக யானைமுக சூரனை வதம் செய்யும் நிகழ்ச்சி நடைபெற்றது. வீரபாகு உள்ளிட்ட பரிவார தெய்வங்கள் வந்து பேசியும் அடிபணியாத யானைமுக சூரனை சின்னக்குமாரசாமியின் பராசக்திவேல் சம்ஹாரம் செய்தது. தொடா்ந்து கிழக்கு கிரிவீதியில் பானுகோபசூரன் வதமும், தெற்கு கிரிவீதியில் சிங்கமுகசூரனும், மேற்கு கிரிவீதியில் சூரபத்மன் வதமும் நடைபெற்றது.
சம்ஹாரம் முடிந்த பின்னா் ஆரியா் மண்டபத்தில் வெற்றிவிழா நடைபெற்றது. தொடா்ந்து வேல் மலைக்கு கொண்டு செல்லப்பட்டு சம்ரோட்சண பூஜை நடத்தப்பட்டு அா்த்தஜாமபூஜை நடைபெற்றது. சனிக்கிழமை (நவ.21) மலைக்கோயிலில் வள்ளி, தெய்வானை சமேதா்சண்முகருக்கும், பெரியநாயகியம்மன் கோயிலில் வள்ளி, தெய்வானை சமேதா் முத்துக்குமாரசாமிக்கும் திருக்கல்யாணம் நடைபெறுகிறது. கரோனா தொற்று காரணமாக கிரிவீதி, அடிவாரம் பகுதிகளில் பக்தா்கள், பொதுமக்கள் அனுமதிக்கப்படவில்லை. முதல் முறையாக பக்தா்கள் இன்றி அதிகாரிகள், அலுவலா்களுடன் விழா நடைபெற்றது.
நிகழ்ச்சியில், மாவட்ட ஆட்சியா் விஜயலட்சுமி, திண்டுக்கல் சரக டிஐஜி முத்துசாமி, மாவட்டக் காவல் கண்காணிப்பாளா் ரவளி பிரியா, கோயில் இணை ஆணையா் கிராந்தி குமாா் பாடி, துணை ஆணையா் (பொறுப்பு) செந்தில்குமாா் உள்ளிட்ட பலா் பங்கேற்றனா். பாதுகாப்புப் பணியில் 600 -க்கும் மேற்பட்ட போலீசாா் ஈடுபட்டிருந்தனா் .