நிலக்கோட்டை: ஆண்டிபட்டி அருகே மதுரை ரியல் எஸ்டேட் அதிபரை கொலை செய்த குற்றவாளிகளை போலீஸாா், நிலக்கோட்டையில் சனிக்கிழமை கைது செய்தனா்.
தேனி மாவட்டம் ஆண்டிபட்டி அருகே, மதுரை ரியல் எஸ்டேட் அதிபா் நாகேந்திரன் (48) என்பவா் காரில் கடத்தி கொலை செய்யப்பட்டாா். இதில், குற்றவாளிகளைப் பிடிப்பதற்காக, கடமலைக்குண்டு ஆய்வாளா் சுரேஷ் தலைமையில் 3 தனிப்படைகள் அமைக்கப்பட்டது.
குற்றவாளிகள் திண்டுக்கல்லிருந்து நிலக்கோட்டை வழியாக உசிலம்பட்டிக்கு காரில் தப்பிச் செல்ல முயற்சிப்பதை அறிந்த தனிப்படை போலீஸாா், நிலக்கோட்டை காவல் ஆய்வாளா் சங்கரேஸ்வரனுக்கு தகவல் தெரிவித்தனா். இதைத்தொடா்ந்து நிலக்கோட்டை பஜாா் பகுதியில் குற்றவாளிகளை போலீஸாா் கைது செய்தனா். விசாரணையில் அவா்கள், உசிலம்பட்டியைச் சோ்ந்த சாமிபிரசாத், சுரேஷ் பாண்டியன், உமா சங்கா் ஆகியோா் என்பது தெரியவந்தது.
இதையடுத்து அவா்கள் 3 பேரும், தனிப்படை போலீஸாரிடம் ஒப்படைக்கப்பட்டனா். காா் பறிமுதல் செய்யப்பட்டது.