Enable Javscript for better performance
அரசுப் பள்ளி கட்டடத்துக்கு வா்ணம் பூச கூலித் தொழிலாளி ரூ. 25ஆயிரம் நிதியுதவி- Dinamani

சுடச்சுட

    

    அரசுப் பள்ளி கட்டடத்துக்கு வா்ணம் பூச கூலித் தொழிலாளி ரூ. 25ஆயிரம் நிதியுதவி

    By DIN  |   Published on : 15th October 2020 04:58 AM  |   அ+அ அ-   |    |  

    dgl_murugan_1410chn_66_2

    இரா.கொல்லப்பட்டி ஊராட்சி ஒன்றியத் தொடக்கப் பள்ளி. (உள்படம்) கூலித் தொழிலாளி வெ. முருகன்.

    குஜிலியம்பாறை அருகே அரசுத் தொடக்கப் பள்ளி கட்டடத்துக்கு வா்ணம் பூசும் பணிக்கு கூலித் தொழிலாளி ஒருவா் ரூ.25 ஆயிரம் நிதியுதவி அளித்திருப்பது பொதுமக்கள் மத்தியில் வரவேற்பை பெற்றுள்ளது.

    திண்டுக்கல் மாவட்டம், குஜிலியம்பாறை அடுத்துள்ள இரா.கொல்லப்பட்டி கிராமத்தில் ஊராட்சி ஒன்றிய தொடக்கப் பள்ளி செயல்பட்டு வருகிறது. கடந்த 2010 ஆம் ஆண்டு தொடங்கப்பட்ட இப்பள்ளியில் 32 மாணவா்கள் பயின்று வருகின்றனா். இந்நிலையில், இரா.கொல்லப்பட்டி கிராமத்தைச் சோ்ந்த கூலித் தொழிலாளியான வெ.முருகன், பள்ளிக் கட்டடத்திற்கு வா்ணம் பூசும் பணிக்கு ரூ. 25 ஆயிரம் நன்கொடை அளித்துள்ளாா்.

    இதுதொடா்பாக அப்பள்ளியில் தலைமையாசிரியை இரா. கமலா கூறியதாவது: தள ஓடு (டைல்ஸ்) பதிக்கும் கூலித் தொழிலாளியாக இருந்தபோதிலும், இந்த பள்ளிக்கு பல்வேறு வகையிலும் வெ.முருகன் தனது பங்களிப்பை அளித்து வருகிறாா். சுதந்திர தினம், குடியரசு தினம் மற்றும் பள்ளி ஆண்டு விழா உள்ளிட்ட நிகழ்ச்சிகளின்போது, மாணவா்களுக்கு பரிசு வழங்கும் பொறுப்பினை முருகன் ஏற்றுக் கொள்வாா். தற்போது பள்ளிக் கட்டடத்திற்கு வா்ணம் பூசும் பணிக்கு ரூ. 25ஆயிரம் வழங்கியுள்ளாா் என்றாா். இதுகுறித்து முருகன் கூறுகையில், கடந்த சில ஆண்டுகளாக, நாள்தோறும் கிடைக்கும் கூலியில் ரூ.100 முதல் 200 வரை பள்ளிக் கூட பங்களிப்பாக ஒதுக்கி வைத்துவிடுவேன். அந்தப் பணத்தில் தான் நிகழ்ச்சிகளின் போது மாணவா்களுக்கு பரிசுப் பொருள்கள் வாங்கிக் கொடுப்பேன். கடந்த 6 மாதங்களாக பள்ளிக் கூடம் நடைபெறாத நிலையில், 10 ஆண்டு கால கட்டடத்திற்கு வா்ணம் பூசும் பணிக்காக சேமிப்புத் தொகையை செலவிட்டுள்ளேன் என்றாா். அரசுப் பள்ளிக் கட்டடத்துக்கு ரூ. 25ஆயிரம் நிதி உதவி அளித்த முருகனுக்கு, வட்டாரக் கல்வி அலுவலா் வீ.சந்தியா உள்ளிட்ட அதிகாரிகளும், பொதுமக்களும் பாராட்டுத் தெரிவித்துள்ளனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp