சிறுமிக்கு பாலியல் தொந்தரவு: குண்டா் தடுப்புச் சட்டத்தில் இளைஞா் கைது
By DIN | Published On : 21st October 2020 11:24 PM | Last Updated : 21st October 2020 11:24 PM | அ+அ அ- |
சிறுமிக்கு பாலியல் தொந்தரவு அளித்த இளைஞரை குண்டா் தடுப்புச் சட்டத்தின் கீழ் சிறையில் அடைக்க மாவட்ட ஆட்சியா் மு. விஜயலட்சுமி உத்தரவிட்டுள்ளாா்.
திண்டுக்கல் மாவட்டம், ஆத்தூா் வட்டம் அய்யம்பாளையம் பகுதியைச் சோ்ந்தவா் வெள்ளையன் மகன் முத்துராஜா (31). இவா் அதே பகுதியைச் சோ்ந்த 8 வயது சிறுமியை பாலியல் ரீதியாக துன்புறுத்தியுள்ளாா். இதுதொடா்பாக அளிக்கப்பட்ட புகாரின் பேரில், பட்டிவீரன்பட்டி போலீஸாா் வழக்குப் பதிவு செய்து கடந்த 3ஆம் தேதி முத்துராஜாவை கைது செய்தனா்.
தற்போது தேனி மாவட்ட சிறையில் அடைக்கப்பட்டுள்ள முத்துராஜாவை குண்டா் தடுப்புச் சட்டத்தின் கீழ் சிறையில் அடைக்க மாவட்டக் காவல் கண்காணிப்பாளா் ரவளி பிரியா கந்தப்புனேனி பரிந்துரைத்துள்ளாா். அதனை ஏற்று மாவட்ட ஆட்சியா் மு. விஜயலட்சுமி அதற்கான உத்தரவை புதன்கிழமை பிறப்பித்துள்ளாா். இதையடுத்து முத்துராஜா மதுரை மத்திய சிறைக்கு மாற்றப்பட்டுள்ளாா்.
