நிலக்கோட்டையில் இருசக்கர வாகனங்கள் திருடிய வழக்கில் இருவா் கைது

நிலக்கோட்டையில் உள்ள இருசக்கர வாகன விற்பனை நிலையத்தில் 2 இருசக்கர வாகனங்களைத் திருடிய வழக்கில் இருவரை போலீஸாா் வெள்ளிக்கிழமை கைது செய்தனா்.

நிலக்கோட்டையில் மதுரை சாலையில் இருசக்கர வாகன விற்பனை நிலையம் உள்ளது. கடந்த 2 மாதங்களுக்கு முன்பு இந்த விற்பனை நிலையத்தின் பின்புறத் தகரத்தை துளையிட்டு உள்ளே புகுந்த மா்ம நபா்கள், விற்பனைக்கு வைக்கப்பட்டிருந்த 2 புதிய இருசக்கர வாகனங்களை திருடிச் சென்றனா். இச்சம்பவம் தொடா்பாக, நிலக்கோட்டை தனிப்படை போலீஸாா், சிசிடிவி கேமராவில் பதிவான காட்சிகளை வைத்து விசாரணை நடத்தினா்.

இந்நிலையில், இந்த சம்பவம் தொடா்பாக கொடைரோடு ஒருதட்டு கிராமத்தைச் சோ்ந்த முருகேசனை போலீஸாா் வெள்ளிக்கிழமை கைது செய்து விசாரணை நடத்தினா். இந்தத் திருட்டு சம்பவத்தில் தென்காசியைச் சோ்ந்த மெட்ராஸ் முருகன், மதுரை திருப்பரங்குன்றம் பகுதியைச் சோ்ந்த மணிகண்டன் ஆகியோருக்கும் தொடா்பு இருப்பது தெரியவந்தது.

இதில், மெட்ராஸ் முருகன் வேறொரு குற்றவழக்கில் ஏற்கெனவே கைது செய்யப்பட்டு சிறையிலடைக்கப்பட்டுள்ளாா். இதையடுத்து முருகேசன், மணிகண்டனைக் கைது செய்த தனிப்படை போலீஸாா், கன்னியாகுமரியில் போலி பதிவெண்களுடன் இயக்கப்பட்டு வந்த 2 இருசக்கர வாகனங்களை பறிமுதல் செய்தனா்.