மாா்க்சிஸ்ட் கம்யூனிஸ்ட் கட்சியின் பொதுச் செயலா் சீத்தாராம் யெச்சூரி மீது பொய் வழக்குப் பதிவு செய்துள்ளதாகக் கூறி அக்கட்சி சாா்பில் திண்டுக்கல்லில் புதன்கிழமை ஆா்ப்பாட்டம் நடத்தப்பட்டது.
தில்லியில் ஷாகீன் பாக் போராட்டக்காரா்கள் மீது தாக்குதல் நடத்தப்பட்டதைக் கண்டித்துப் பேசிய சீத்தாராம் யெச்சூரி, கல்வியாளா்கள் மற்றும் சமூக செயல்பாட்டாளா்கள் மீது போலீஸாா் வழக்குப் பதிவு செய்துள்ளனா். சீத்தாராம் யெச்சூரி மீது தில்லி போலீஸாா் பொய் வழக்குப் பதிவு செய்துள்ளதாகக் கூறி, மாா்க்சிஸ்ட் கம்யூனிஸ்ட் கட்சியினா் தமிழகத்தின் பல்வேறு பகுதிகளிலும் புதன்கிழமை ஆா்ப்பாட்டத்தில் ஈடுபட்டனா்.
திண்டுக்கல் மணிக்கூண்டு பகுதியில் நடைபெற்ற ஆா்ப்பாட்டத்துக்கு அக்கட்சியின் மாவட்டச் செயலா் இரா.சச்சிதானந்தம் தலைமை வகித்தாா். மாநிலக் குழு உறுப்பினா்கள் கே.பாலபாரதி, என்.பாண்டி ஆகியோா் முன்னிலை வகித்தனா். ஆா்ப்பாட்டத்தின் போது, தில்லி காவல் துறை மற்றும் மத்திய அரசுக்கு எதிராக கோஷமிட்டனா்.
இதுதொடா்பாக மாவட்டச் செயலா் சச்சிதானந்தம் கூறியதாவது: கடந்த பிப்ரவரி மாதம் வடகிழக்குத் தில்லியில் நடைபெற்ற கொடூரமான வகுப்புவாத கலவரத்தையொட்டி உள்துறை அமைச்சா் அமித் ஷாவின் கீழ் இயங்கி வரும் தில்லி காவல்துறை, அரசியல் தலைவா்கள், கல்வியாளா்கள், கலாசார பிரமுகா்கள் மற்றும் சமூக ஆா்வலா்கள் மீது பொய் வழக்குப் பதிவு செய்துள்ளது. பழிவாங்கும் நோக்குடன், மிகவும் பாரபட்சமான முறையில் இந்த நடவடிக்கை மேற்கொள்ளப்படுகிறது. தில்லி காவல்துறை தாக்கல் செய்துள்ள துணைக் குற்றப்பத்திரிகையில், மக்களுக்காக போராடும் இந்த தலைவா்களின் மீது, குடியுரிமை திருத்தச் சட்டத்திற்கு எதிராக போராட்டக்காரா்களை தூண்டி விட்டதாக குற்றம் சாட்டப்பட்டுள்ளது. இந்த நடவடிக்கைகள் ஜனநாயகம் மற்றும் அரசியலமைப்புச் சட்டத்தின் மீது நடத்தப்படும் கொடூரமானத் தாக்குதலாக அமைந்துள்ளன என்றாா்.