திண்டுக்கல், தேனி மாவட்டங்களில் மேலும் 135 பேருக்கு கரோனா தொற்று ஞாயிற்றுக்கிழமை உறுதிப்படுத்தப்பட்டது.
திண்டுக்கல் மாவட்டத்தில் 8,386 போ் கரோனா தீநுண்மி தொற்றால் பாதிக்கப்பட்டனா். அதில் 7,645 போ் சிகிச்சைக்குப் பின் குணமடைந்துள்ளனா். 587 போ் சிகிச்சைக்காக திண்டுக்கல் அரசு மருத்துவமனையிலும், சிறப்பு சிகிச்சை மையங்களிலும் அனுமதிக்கப்பட்டுள்ளனா்.
இந்நிலையில், திண்டுக்கல் மாவட்டத்தைச் சோ்ந்த 82 பேருக்கு கரோனா தொற்று ஞாயிற்றுக்கிழமை உறுதிப்படுத்தப்பட்டது. இதனிடையே தொற்று பாதிப்பிலிருந்து குணமடைந்த 113 போ் அரசு மருத்துவமனைகள் மற்றும் சிறப்பு சிகிச்சை மையங்களிலிருந்து ஞாயிற்றுக்கிழமை வீடுகளுக்கு அனுப்பி வைக்கப்பட்டனா்.
ஒருவா் பலி: திண்டுக்கல் மாவட்டத்தைச் சோ்ந்த ஒருவா் கரோனா தொற்று பாதிப்பால் சிகிச்சைப் பலனின்றி ஞாயிற்றுக்கிழமை உயிரிழந்துள்ளாா். இதன் மூலம் மாவட்டத்தில் தொற்று பாதிப்பால் உயிரிழந்தோரின் எண்ணிக்கை 154 ஆக அதிகரித்துள்ளது.
தேனி: தேனி, சின்னமனூா் ஆகிய பகுதிகளில் தலா 5 போ், ஆண்டிபட்டி பகுதியில் 3 போ், போடி, பெரியகுளம், க.மயிலை ஆகிய பகுதிகளில் தலா 2 போ், தனியாா் ஆய்வகப் பரிசோதனையில் 34 போ் உள்பட ஒரே நாளில் மொத்தம் 53 பேருக்கு கரோனா தொற்று உறுதி செய்யப்பட்டுள்ளது.
இதையடுத்து, மாவட்டத்தில் கரோனா தொற்றால் பாதிக்கப்பட்டோா் எண்ணிக்கை 14,220 ஆக உயா்ந்துள்ளது. இதில், மொத்தம் 12,717 போ் குணமடைந்து மருத்துவமனைகளிலிருந்து வீடு திரும்பியுள்ளனா்.
2 போ் பலி: கரோனா தொற்று உறுதி செய்யப்பட்டு தேனி அரசு மருத்துவக் கல்லூரி மருத்துவமனையில் அனுமதிக்கப்பட்டிருந்த போடியைச் சோ்ந்த 62 வயதுடைய நபரும், உயிரிழந்தாா். கரோனா தொற்று அறிகுறியுடன் இதே மருத்துவமனையில் அனுமதிக்கப்பட்டிருந்த திண்டுக்கல் அருகே புகையிலைபட்டியைச் சோ்ந்த 67 வயது முதியவா், பரிசோதனை முடிவு வெளியாகும் முன்னரே உயிரிழந்தாா்.