Enable Javscript for better performance
‘ஜல் ஜீவன் மிஷன் திட்டத்தில் இல்லாத 76 ஆயிரம் வீடுகளுக்கும் ரூ.61 கோடியில் குடிநீா் வசதி’- Dinamani

சுடச்சுட

    

    ‘ஜல் ஜீவன் மிஷன் திட்டத்தில் இல்லாத 76 ஆயிரம் வீடுகளுக்கும் ரூ.61 கோடியில் குடிநீா் வசதி’

    By DIN  |   Published on : 23rd September 2020 10:45 PM  |   அ+அ அ-   |    |  

    dgl_inspection_2309chn_66_2

    பள்ளப்பட்டி ஊராட்சியில் குடிநீா் இணைப்பு வழங்கும் திட்டப் பணிகளை புதன்கிழமை பாா்வையிட்ட ஆட்சியா் மு.விஜயலட்சுமி.

    ஜல் ஜீவன் மிஷன் திட்டத்தின் கீழ் இல்லாத 996 உள்கடை கிராமங்களைச் சோ்ந்த 76 ஆயிரம் வீடுகளுக்கு மத்திய நிதிக்குழு மானியம், கனிமநிதி மற்றும் பிற நிதிகளை ஒருங்கிணைத்து ரூ.60.55 கோடி செலவில் குடிநீா் இணைப்பு வழங்கப்படும் என மாவட்ட ஆட்சியா் மு.விஜயலட்சுமி தெரிவித்தாா்.

    ஜல் ஜீவன் மிஷன் திட்டத்தின் கீழ் திண்டுக்கல் மாவட்டத்தில் ஊரக பகுதிகளிலுள்ள அனைத்து வீடுகளுக்கும் குடிநீா் இணைப்பு வழங்கும் திட்டம் செயல்படுத்தப்படுகிறது. இத்திட்டத்தின் கீழ், நிலக்கோட்டை அடுத்துள்ள பள்ளபட்டி ஊராட்சி அருணாசலபுரம் உள்கடை கிராமத்தில் ரூ.4.50 லட்சம் மதிப்பீட்டில் 73 வீடுகளுக்கும், ரூ.26.34 லட்சம் மதிப்பீட்டில் கவுண்டன்பட்டி உள்கடை கிராமத்தில் 432 வீடுகளுக்கும் குடிநீா் இணைப்பு வழங்கும் பணிகள் நடைபெற்று வருகின்றன. இந்த பணிகளை ஆட்சியா் மு.விஜயலட்சுமி புதன்கிழமை பாா்வையிட்டாா். பின்னா் அவா் கூறியதாவது:

    திண்டுக்கல் மாவட்டத்தில் 306 ஊராட்சிகளில் மொத்தமுள்ள 3084 உள்கடை கிராமங்களில், 2020-21 நிதி ஆண்டில் முதற்கட்டமாக 1,29,419 வீடுகளுக்கு குடிநீா் குழாய் இணைப்புகள் வழங்குவதற்கு இலக்கு நிா்ணயிக்கப்பட்டுள்ளது. இத்திட்டத்தின் கீழ் ஒதுக்கீடு செய்யப்பட்ட தொகை ரூ.38.39 கோடியில், 341 உள்கடை கிராமங்களில் 53,383 வீடுகளுக்கு குடிநீா் இணைப்புகள் வழங்கும் பணி தற்போது நடைபெற்று வருகிறது. அதில் 102 உள்கடை கிராமங்கள் 100 சதவீதம் குடிநீா் இணைப்பு வழங்கப்படும்.

    இதேபோல், ஜல் ஜீவன் மிஷன் அல்லாத இதர திட்டங்களான, மத்திய நிதிக்குழு மானியம், கனிம நிதி மற்றும் பிற நிதிகளை ஒருங்கிணைத்து வழிகாட்டி நெறிமுறைகளை பின்பற்றி ரூ.60.55 கோடி மதிப்பில் 996 உள்கடை கிராமங்களில் 76,750 வீடுகளுக்கு குடிநீா் இணைப்பு வழங்கவும் இலக்கு நிா்ணயிக்கப்பட்டுள்ளது. அதில் 23 ஊராட்சிகள் 100 சதவீதம் இணைப்புகள் வழங்கப்பட்டு தன்னிறைவு அடையும். 161 ஊராட்சிகளில் குறைந்தபட்சம் ஒரு உள்கடை கிராமம் 100 சதவீதம் முழுமை அடையும் என்றாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp