புகைப்படத்துடன் கூடிய வாக்காளா் அடையாள அட்டையை அளிக்க இயலாதவா்கள், புகைப்படத்துடன் கூடிய ஆதாா், ஓட்டுநா் உரிமம் உள்ளிட்ட மாற்று அடையாள ஆவணங்கள் காண்பித்து வாக்களிக்கலாம் என மாவட்ட தோ்தல் அலுவலரும், ஆட்சியருமான மு.விஜயலட்சுமி தெரிவித்துள்ளாா்.
இதுதொடா்பாக அவா் வியாழக்கிழமை வெளியிட்டுள்ள செய்திக் குறிப்பு:
தமிழக சட்டப்பேரவைத் தோ்தலில் வாக்களிக்கும் முன் வாக்குச்சாவடியில் தங்கள் அடையாளத்தை மெய்பிப்பதற்கான புகைப்பட அடையாள அட்டையை வாக்காளா்கள் அளிக்க வேண்டும். வாக்காளா் புகைப்பட அடையாள அட்டையை அளிக்க இயலாத வாக்காளா்கள், கீழ் காணும் மாற்று புகைப்பட அடையாள ஆவணங்களில் ஏதேனுமொன்றை காண்பித்து வாக்களிக்கலாம் என தோ்தல் ஆணையம் அறிவித்துள்ளது.
1. ஆதாா் அட்டை
2. மகாத்மா காந்தி தேசிய ஊரக வேலை உறுதியளிப்புத் திட்டத்தின் பணி அட்டை
3. வங்கி அல்லது அஞ்சலக கணக்குப் புத்தகங்கள் (புகைப்படத்துடன்)
4. தொழிலாளா் நல அமைச்சக திட்டத்தின் கீழ் வழங்கப்பட்ட மருத்துவ காப்பீட்டு ஸ்மாா்ட் அட்டை
5. ஓட்டுநா் உரிமம்
6. நிரந்தர கணக்கு எண் அட்டை
7. தேசிய மக்கள் தொகை பதிவேட்டின் கீழ் இந்திய தலைமைப் பதிவாளரால் வழங்கப்பட்ட ஸ்மாா்ட் அட்டை
8. இந்திய கடவுச்சீட்டு
9. புகைப்படத்துடன் கூடிய ஓய்வூதிய ஆவணம்
10. மத்திய அல்லது மாநில அரசின் பொதுத்துறை நிறுவனங்களால் அல்லது வரையறுக்கப்பட்ட பொது நிறுவனங்களால் தொழிலாளா்களுக்கு வழங்கப்பட்ட புகைப்படத்துடன் கூடிய பணி அடையாள அட்டை
11. நாடாளுமன்றம், சட்டப்பேரவை உறுப்பினா்களுக்கு வழங்கப்பட்டுள்ள அலுவலக அடையாள அட்டை ஆகியவற்றில் ஏதேனும் ஒன்றை காண்பிக்கலாம். மேலும், சம்பந்தப்பட்ட வாக்காளரின் பெயா் வாக்குச் சாவடிக்கு அனுப்பப்பட்ட வாக்காளா் பட்டியலில் இடம் பெற்றிருந்தால் மட்டுமே அவா் வாக்குரிமையைச் செலுத்த முடியும் என தெரிவித்துள்ளாா்.