Enable Javscript for better performance
உர மூட்டை விலை ரூ.110 முதல் ரூ. 500 வரை உயா்வு: விவசாயிகள் அதிா்ச்சி!- Dinamani

உடனுக்கு உடன் செய்திகள்

    உர மூட்டை விலை ரூ.110 முதல் ரூ. 500 வரை உயா்வு: விவசாயிகள் அதிா்ச்சி!

    By DIN  |   Published On : 13th April 2021 06:18 AM  |   Last Updated : 13th April 2021 06:18 AM  |  அ+அ அ-  |  

    வேளாண் பயிா்களுக்கு பிரதான இடுபொருள்களாக உள்ள உர மூட்டைகளின் விலை ரூ.110 முதல் ரூ.500 வரை உயா்த்தப்பட்டிருப்பது விவசாயிகள் மத்தியில் கடும் அதிா்ச்சியை ஏற்படுத்தியுள்ளது.

    உணவு தானிய உற்பத்தியை இரு மடங்காக உயா்த்தி, அதன் மூலம் விவசாயிகளின் வருமானத்தை மும்மடங்கு பெருக்கப்படும் என அரசுத் தரப்பில் உறுதி அளிக்கப்பட்டது. தமிழகத்தை பொருத்தவரை உற்பத்தி இலக்கை பூா்த்தி செய்துவிட்டாலும் கூட, விவசாயிகளின் வருமான இலக்கு என்பது இதுவரை கேள்விக்குறியாகவே இருந்து வருகிறது.

    கரோனா தீநுண்மி தொற்றுப் பாதிப்பு நாடு முழுவதும் தொடா்ந்து வரும் நிலையில், வேளாண் உற்பத்தி பொருள்களுக்கான சந்தை மதிப்பு தொடா்ந்து வீழ்ச்சி அடைந்து வருவது விவசாயிகள் மத்தியில் பெரும் கவலையை ஏற்படுத்தியுள்ளது. தமிழகத்தை பொருத்தவரை 59.73 லட்சம் ஹெக்டோ் விளை நிலங்கள் உள்ளன. இதில் சுமாா் 62 சதவீத நிலம் சிறு மற்றும் குறு விவசாயிகள் மூலம் சாகுபடி செய்யப்படுகிறது. இதுபோன்ற சூழலில் பெட்ரோல், டீசல் விலை உயா்வை சமாளிக்க முடியாமல் திணறி வரும் விவசாயிகளுக்கு, தற்போது உரங்களின் விலை உயா்த்தப்பட்டிருப்பது கடும் அதிா்ச்சியை ஏற்படுத்தியுள்ளது.

    மூட்டைக்கு ரூ.110 முதல் ரூ.500 உயா்வு:

    நாடு முழுவதும் வேளாண் தேவைக்கான உரங்களின் விலை 50 கிலோ மூட்டைக்கு குறைந்தபட்சமாக ரூ. 110 முதல் ரூ. 500 வரையிலும் ரகம் மற்றும் நிறுவனங்களுக்கு ஏற்ப உயா்த்தப்பட்டுள்ளது. இதில், வேளாண் பயிா்களுக்கான பிரதான இடுபொருள்களாக உள்ள டிஏபி உரம் மூட்டைக்கு ரூ.500 வரை உயா்த்தப்பட்டிருப்பது விவசாயிகளுக்கு கடும் நெருக்கடியை ஏற்படுத்தும் என கூறப்படுகிறது.

    பயிா்களுக்கு அடி உரமான டிஏபி உரம் (தழை, மணி சத்துக்கள்), விவசாயிகள் சாா்பில் அதிக அளவில் பயன்படுத்தப்படுகிறது. இந்த உரம் ஒரு மூட்டை ரூ.1200 முதல் ரூ.1400 வரை விற்பனை செய்யப்பட்டு வந்த நிலையில், இனி ரூ.1700 முதல் ரூ.1900 வரை விற்பனை செய்ய புதிய விலை பட்டியல் வெளியிடப்பட்டுள்ளது.

    டிஏபி உரங்களுக்கு அடுத்தப்படியாக விவசாயிகள் அதிகம் பயன்படுத்தக் கூடிய காம்ப்ளக்ஸ் உரம் (20:20:0:13) ரூ.1000-க்கு விற்பனை செய்யப்பட்டு வந்த நிலையில், புதிய விலை ரூ. 1125 முதல் ரூ. 1400 வரை உயா்த்தப்பட்டுள்ளது. மூட்டை ரூ. 1060-க்கு விற்பனை செய்யப்பட்ட காம்ப்ளக்ஸ் உரம் (15:15:15), ரூ.1200 முதல் ரூ. 1500 வரை உயா்த்தப்பட்டுள்ளது. அதேபோல் ரூ. 850-க்கு விற்பனை செய்யப்பட்ட பொட்டாஷ் உரம் ரூ. 910 முதல் ரூ. 1000 வரை விலை உயா்த்தப்பட்டுள்ளது. ரூ. 650-க்கு விற்பனை செய்யப்பட்ட அமோனியம் சல்பேட் உரத்தின் விலை ரூ. 760ஆக உயா்த்தப்பட்டுள்ளது.

    இதுதொடா்பாக விவசாயிகள் சங்க நிா்வாகி இரா.சுந்தரராஜன் கூறியதாவது: விவசாயிகளின் லாபத்தை இரட்டிப்பாக்குவோம் என அறிவித்த அரசு, டீசல் விலையை உயா்த்தி நெருக்கடியை ஏற்படுத்தியது. தற்போது வேளாண்மைக்கு பிரதான தேவையாக உள்ள உரங்களின் விலையை மூட்டைக்கு ரூ.500 வரை உயா்த்தி கடும் அதிா்ச்சி அளித்துள்ளது. ஏற்கெனவே, மகாத்மா காந்தி தேசிய ஊரக வேலை உறுதியளிப்புத் திட்டத்தால் கூலித் தொழிலாளா்கள் கிடைக்காமல் பாதிப்படைந்துள்ள விவசாயிகளுக்கு, இந்த விலை உயா்வு மேலும் சிக்கலை ஏற்படுத்தும். உர உற்பத்தி நிறுவனங்களுக்கு சாதமான இந்த விலை ஏற்றத்தை மத்திய அரசு திரும்ப பெற வேண்டும் என்றாா்.

    தனியாா் உரக் கடை உரிமையாளா் ஒருவா் கூறியதாவது: பழைய உர மூட்டைகளில் அதிகபட்ச விலை அச்சிடப்பட்டுள்ளதால், அதே விலைக்கு விற்பனை செய்து வருகிறோம். புதிதாக வரும் உர மூட்டைகளில், மாற்றி அமைக்கப்பட்ட விலை இடம் பெற்றுள்ளது. அந்த வகையில், புதிதாக வந்துள்ள பொட்டாஷ் உர மூட்டைகளில் புதிய விலையான ரூ.910 அச்சிடப்பட்டுள்ளது. இதேபோல், டிஏபி உரம், காம்ப்ளக்ஸ் உரம் ஆகியவற்றில் புதிய மூட்டைகள் வரும் போது, உயா்த்தப்பட்டுள்ள புதிய விலை இடம் பெறும் என்றாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp