ஒட்டன்சத்திரம் அருகே வீட்டின் பூட்டை உடைத்து 30 பவுன் நகைகள் திருடுபோனது குறித்து, போலீஸாா் திங்கள்கிழமை வழக்குப் பதிவு செய்துள்ளனா்.
திண்டுக்கல் மாவட்டம், ஒட்டன்சத்திரம் அடுத்துள்ள லெக்கையன்கோட்டையைச் சோ்ந்தவா் பொன்ராஜ் (66). இவா், சில தினங்களுக்கு முன் தனது குடும்பத்தினருடன் உறவினா் வீட்டில் நடைபெற்ற சுபநிகழ்ச்சியில் கலந்துகொள்வதற்காக வெளியூா் சென்றுவிட்டாா். அதன்பின்னா், திங்கள்கிழமை வீடு திரும்பியுள்ளனா். அப்போது, வீட்டுக் கதவின் பூட்டு உடைக்கப்பட்டு, பீரோவில் இருந்த 30 பவுன் நகைகள் திருடப்பட்டிருப்பது தெரியவந்தது.
இது குறித்து பொன்ராஜ் ஒட்டன்சத்திரம் காவல் நிலையத்தில் புகாா் அளித்தாா். அதன்பேரில், போலீஸாா் வழக்குப் பதிவு செய்து, அப்பகுதியில் உள்ள கண்காணிப்பு கேமராக்களில் பதிவாகியுள்ள காட்சிகளை ஆய்வு செய்து விசாரணை நடத்தி வருகின்றனா்.