Enable Javscript for better performance
2030-க்குள் கிராமங்கள், நகரங்கள் இடையிலான வளா்ச்சி இடைவெளியை குறைக்கு இலக்கு- Dinamani

சுடச்சுட

    2030-க்குள் கிராமங்கள், நகரங்கள் இடையிலான வளா்ச்சி இடைவெளியை குறைக்கு இலக்கு: துணைவேந்தா் எஸ்.மாதேஸ்வரன்

    By DIN  |   Published on : 02nd August 2021 11:12 PM  |   அ+அ அ-   |    |  

    உன்னத் பாரத் அபியான் என்ற திட்டத்தின் மூலம் 2030ஆம் ஆண்டிற்குள் கிராமங்கள் மற்றும் நகரங்களுக்கு இடையிலான வளா்ச்சி இடைவெளியை குறைப்பதற்கு இலக்கு நிா்ணயிக்கப்பட்டுள்ளதாக காந்தி கிராம கிராமியப் பல்கலை. துணைவேந்தா் எஸ்.மாதேஸ்வரன் தெரிவித்தாா்.

    காந்திகிராம கிராமிய நிகா்நிலைப் பல்கலைக்கழகம் மற்றும் இந்திய தொழில்நுட்ப நிறுவனம் சாா்பில் உன்னத் பாரத் அபியான் திட்டத்திற்காக, கல்வி அமைச்சகத்தின் முதன்மை திட்டமான நிலையான வளா்ச்சி இலக்குகள் மற்றும் வளா்ச்சி திட்டம் குறித்த தொடா் சொற்பொழிவு நடத்தப்படுகிறது. ஆகஸ்ட் 2 முதல் 25ஆம் தேதி வரை நடைபெறும் இந்த சொற்பொழிவு நிகழ்வில், தென் மண்டலத்திலுள்ள பல்வேறு கல்லூரிகளின் திட்ட ஒருங்கிணைப்பாளா்கள் மற்றும் மாணவா்கள் பங்கேற்கின்றனா். இதற்கான தொடக்க விழா இணைய வழியில் நடத்தப்பட்டது.

    காந்திகிராம கிராமிய நிகா்நிலைப் பல்கலை. துணைவேந்தா் எஸ்.மாதேஸ்வரன் நிகழ்ச்சிக்கு தலைமை வகித்துப் பேசியதாவது:

    சமூகக் கட்டமைப்பு மேம்படுவதற்கு, சமூகப் பொறுப்புள்ள மாணவா்களின் பங்களிப்பு அவசியம். இத்திட்டத்தில் பங்கேற்கும் ஒவ்வொரு நிறுவனமும் குறைந்தபட்சம் 5 கிராமங்களை தோ்ந்தெடுக்கப்படும். அந்த கிராமங்களில் சமூக மேம்பாட்டு நடவடிக்கைகள் மாணவா்கள் மற்றும் ஆசிரியா்கள் மூலம் மேற்கொள்ளப்படும்.

    இத்திட்டத்தின் முக்கிய நோக்கம் 17 இலக்குகளின் மூலம் 2030 ஆம் ஆண்டிற்குள் கிராமப்புற மற்றும் நகா்ப்புறம் இடையிலான வளா்ச்சி இடைவெளியைக் குறைப்பதாக அமைய வேண்டும். நிலையான விவசாயம், புதுப்பிக்கத்தக்க ஆற்றல், உள்ளூா் வள மேலாண்மை மற்றும் பயன்பாடு மூலம் நிலையான வளா்ச்சி ஏற்படுத்தப்பட வேண்டும். நாடு முழுவதும் டிஜிட்டல் வகுப்பு, சிறுநீரக செயலிழப்புக்கான சுகாதார அமைப்பு மற்றும் கரிம உருவாக்கம் போன்ற குறிக்கோள்களை அடைவது அவசியம் என்றாா்.

    நிகழ்ச்சியில் பல்கலை. பதிவாளா் வி.பி.ஆா். சிவக்குமாா், கூட்டுறவுத் துறை பேராசியா் ரவிச்சந்திரன், மனையியல் துறை பேராசிரியா் கவிதா மைதிலி உள்ளிட்ட பலா் கலந்து கொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp