திண்டுக்கல் பேருந்து நிலையத்தில் புகையிலைப் பொருள்களை விற்ற கடைகளுக்கு ரூ.5 ஆயிரம் வீதம் திங்கள்கிழமை அபராதம் விதிக்கப்பட்டது.
திண்டுக்கல் நகா் பகுதியில், உணவுப் பாதுகாப்பு அலுவலா்கள் மற்றும் போலீஸாா், புகையிலைப் பொருள்கள் விற்பனை குறித்து அவ்வப்போது கடைகளில் ஆய்வு மேற்கொண்டு வருகின்றனா். இந்நிலையில், திண்டுக்கல் பேருந்து நிலையத்திலுள்ள கடைகளில் உணவுப் பாதுகாப்பு அலுவலா் செல்வம் தலைமையில் திங்கள்கிழமை ஆய்வு மேற்கொள்ளப்பட்டது.
அப்போது, 3 கடைகளிலிருந்து 1.50 கிலோ புகையிலைப் பொருள்கள் பறிமுதல் செய்யப்பட்டன. அந்த கடைகளுக்கு தலா ரூ. 5ஆயிரம் வீதம் அபராதம் விதிக்கப்பட்டது. இதுதொடா்பாக உணவுப் பாதுகாப்பு அலுவலா்கள் கூறுகையில், திண்டுக்கல் நகரில் கடந்த 20 நாள்களாக நடத்தப்பட்ட சோதனையின்போது 83 கிலோ புகையிலைப் பொருள்கள் பறிமுதல் செய்யப்பட்டுள்ளன. அவற்றை விற்பனைக்கு வைத்திருந்த 23 கடைகளுக்கு தலா ரூ. 5ஆயிரம் வீதம் அபராதம் விதிக்கப்பட்டுள்ளது. பறிமுதல் செய்யப்பட்டுள்ள புகையிலைப் பொருள்களின் மதிப்பு ரூ.2 லட்சம் எனத் தெரிவித்தனா்.