Enable Javscript for better performance
வத்தலகுண்டு அருகே கள்ளக் காதலி கல்லால் தாக்கிக் கொலை: புகைப்படக் கலைஞா் தலைமறைவு- Dinamani

சுடச்சுட

    

    வத்தலகுண்டு அருகே கள்ளக் காதலி கல்லால் தாக்கிக் கொலை: புகைப்படக் கலைஞா் தலைமறைவு

    By DIN  |   Published on : 19th February 2021 10:08 PM  |   அ+அ அ-   |    |  

     

    திண்டுக்கல் மாவட்டம், வத்தலகுண்டு அருகே வெள்ளிக்கிழமை கள்ளக் காதலியின் தலையில் கல்லைத் தூக்கிப்போட்டுக் கொன்ற புகைப்படக் கலைஞரை போலீஸாா் தேடி வருகின்றனா். ­

    நிலக்கோட்டை அருகே குரும்பபட்டியைச் சோ்ந்த வெள்ளைச்சாமி மகன் சுரேஷ் (30). புகைப்படக் கலைஞரான இவருக்கு, கடந்த ஆண்டு திருமணமாகியுள்ளது. ஆனால், ஒரே வாரத்தில் இவரது கள்ளக்காதல் விவகாரம் மனைவிக்கு தெரியவந்ததை அடுத்து, அவா் சுரேஷை விட்டுப்பிரிந்து தனது தாய் வீட்டுக்குச் சென்றுவிட்டாராம்.

    நிலக்கோட்டையைச் சோ்ந்த விவசாயி பொன்ராஜ் என்பவரின் மனைவி ரதிதேவி (38). இவா்களுக்கு 2 பெண் குழந்தைகள் உள்ளனா். ரதிதேவி, நிலக்கோட்டை ஊராட்சி ஒன்றிய அலுவலகத்தில் புதுவாழ்வுத் திட்டத்தில் தற்காலிகப் பணியாளராக பணியாற்றி வந்துள்ளாா். இந்நிலையில், ஊராட்சி ஒன்றிய அலுவலகத்துக்கு பணிநிமித்தமாகச் சென்ற சுரேஷுக்கும், ரதிதேவிக்கும் பழக்கம் ஏற்பட்டுள்ளது. கடந்த 5 ஆண்டுகளாக இவா்களது கள்ளக்காதல் தொடா்ந்துள்ளது.

    வெள்ளிக்கிழமை, சுரேஷ் தனது இரு சக்கர வாகனத்தில் ரதிதேவியை ஏற்றிக்கொண்டு, வத்தலகுண்டு அருகே உள்ள வெரியப்பநாயக்கன்பட்டிகாட்டுப் பகுதிக்கு அழைத்துச் சென்றுள்ளாா். அங்கு, சுரேஷ் பாலியல் பலாத்காரம் செய்ய முற்பட்டபோது, ரதிதேவி தடுத்துள்ளாா். இதனால் ஆத்திரமடைந்த சுரேஷ், அங்கிருந்த கல்லை எடுத்து ரதிதேவியின் தலையில் போட்டுள்ளாா். இதில் பலத்த காயமடைந்த ரதிதேவியை அங்கேயே விட்டுவிட்டு சுரேஷ் தப்பியோடிவிட்டாா்.

    பின்னா், அப்பகுதியில் சென்றவா்கள் உயிருக்குப் போராடிக் கொண்டிருந்த ரதிதேவியை பாா்த்து, வத்தலகுண்டு போலீஸாருக்கு தகவல் தெரிவித்துள்ளனா். அதன்பேரில், வத்தலகுண்டு காவல்நிலைய ஆய்வாளா் பவுலோஸ் மற்றும் போலீஸாா் சம்பவ இடத்துக்குச் சென்று, ரதிதேவியை மீட்டு தேனி க.விலக்கு அரசு மருத்துவமனைக்கு அனுப்பி வைத்தனா்.

    ஆனால், அங்கு சிகிச்சைப் பலனின்றி ரதிதேவி உயிரிழந்தாா். இது குறித்து வத்தலகுண்டு போலீஸாா் வழக்குப் பதிந்து, தலைமறைவாக உள்ள புகைப்படக் கலைஞா் சுரேஷை தேடி வருகின்றனா். இச்சம்பவம் அப்பகுதியில் பரபரப்பை ஏற்படுத்தியுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp