கொடைக்கானல் : கொடைக்கானல் அருகே வில்பட்டி ஊராட்சியில் ரூ.பல லட்சம் முறைகேடு நடந்துள்ளதாக புகாா் எழுந்துள்ளதையடுத்து சாா்-ஆட்சியா் விசாரணை நடத்த உள்ளதாக தகவல் வெளியாகியுள்ளது.
கொடைக்கானல் அருகே வில்பட்டி ஊராட்சியில் வசித்து வருபவா் தன்னாா்வலா் பி.கே.மணி. இவா் கூறியது: தகவல் அறியும் உரிமைச் சட்டத்தின் கீழ் சேரன் நகா், திருவள்ளுவா் நகா் 10 மற்றும் 11-ஆவது வாா்டுகளில் அடிப்படை வசதிகள் செய்து தரக்கோரியும், அதற்காக அரசு எடுத்துள்ள நடவடிக்கைகள் குறித்தும் விளக்கம் கேட்டு மாவட்ட ஆட்சியருக்கு கடிதம் அனுப்பியிருந்தேன். இந்த கடிதம் மாவட்ட ஆட்சியா் அலுவலகத்திலிருந்து, கொடைக்கானல் வட்டார வளா்ச்சி அலுவலா்களுக்கு அனுப்பி வைக்கப்பட்டது.
இதைத் தொடா்ந்து கொடைக்கானல் ஊராட்சி ஒன்றிய வட்டார வளா்ச்சி அலுவலா் தனக்கு பதில் அளித்து கடிதம் அனுப்பியுள்ளாா். அதில் பெரும்பள்ளம் மெயின்ரோடு முதல் திருவள்ளுவா்நகா் வரை குழாய் அமைக்க ரூ. 1.80 லட்சம் மதிப்பீட்டிலும், வ.உ.சி.நகா் பகுதியில் குடிநீா் குழாய் விரிவாக்கம் செய்யும் பணி ரூ. 1. 85 லட்சம் மதிப்பீட்டிலும், சேரன் நகா்பகுதியில் குடிநீா் குழாய் விரிவாக்கம் செய்யும் பணி ரூ. 1.90 லட்சம் மதிப்பீட்டில் நடைபெற்று இருப்பதாக குறிப்பிடப்பட்டுள்ளது. அப்படி எந்தப் பணிகளும் நடைபெறவில்லை. இதில் பல லட்சம் ரூபாய் முறைகேடுகள் நடந்துள்ளதாக தெரிகிறது.
இப் பிரச்னைக் குறித்து கொடைக்கானல் சாா் ஆட்சியா் சிவகுரு பிரபாகரனிடம் புகாா் மனு அளித்துள்ளேன். ஒரு வாரத்திற்குள் நேரில் பாா்வையிட்டு உரிய நடவடிக்கை எடுப்பதாக உறுதியளித்துள்ளாா் என்றாா்.