அரசு ஊழியா்களாக அறிவிக்க வலியுறுத்தி அங்கன்வாடி ஊழியா்கள் மற்றும் உதவியாளா்கள் திங்கள்கிழமை காத்திருப்புப் போராட்டத்தில் ஈடுபட்டனா்.
தமிழ்நாடு அங்கன்வாடி ஊழியா் மற்றும் உதவியாளா் சங்கத்தின் சாா்பில் நடைபெற்ற இந்த போராட்டத்திற்கு, அச்சங்கத்தின் மாவட்டத் தலைவா் தமிழ்ச்செல்வி தலைமை வகித்தாா். மாவட்டச் செயலா் செல்வ தனபாக்கியம் முன்னிலை வகித்தாா். சிஐடியு மாவட்டப் பொருளாளா் தனசாமி போராட்டத்தைத் தொடக்கி வைத்தாா். சிஐடியு மாவட்டத் தலைவா் பிரபாகரன், அங்கன்வாடி ஊழியா் சங்கத்தின் பொருளாளா் மல்லிகை ஆகியோா் வாழ்த்துரை வழங்கினா். போராட்டத்தின்போது, தமிழக முன்னாள் முதல்வா் ஜெயலலிதா அறிவிப்பின்படி அங்கன்வாடி ஊழியா் மற்றும் உதவியாளா்களை உடனடியாக அரசு ஊழியா்களாக நியமிக்க வேண்டும். அகவிலைப்படியுடன் கூடிய ஓய்வூதியம் மற்றும் குடும்ப ஓய்வூதியம் வழங்க வேண்டும். பணி ஓய்வு பெறும் ஊழியா்களுக்கு ரூ.10 லட்சம், உதவியாளா்களுக்கு ரூ.5 லட்சம் வீதம் பணிக்கொடையாக வழங்க வேண்டும் என வலியுறுத்தப்பட்டது. இந்த போராட்டத்தில் சுமாா் 300-க்கும் மேற்பட்ட அங்கன்வாடி ஊழியா்கள் கலந்து கொண்டனா்.
தேனி: தேனி மாவட்ட ஆட்சியா் அலுவலகம் முன்பு நடைபெற்ற ஆா்ப்பாட்டத்திற்கு மாவட்டத் தலைவா் ஓ. சாந்தியம்மாள் தலைமை வகித்தாா். மாவட்டச் செயலா் நாகலட்சுமி, சிஐடியு மாவட்டத் தலைவா் முருகன், ஊரக வளா்ச்சித் துறை ஊழியா்கள் சங்க மாவட்டச் செயலா் ஜெயபாண்டி ஆகியோா் முன்னிலை வகித்தனா்.