அதிமுக அரசை கட்டுப்படுத்துவது போல், தமிழக மக்களை பிரதமா் நரேந்திர மோடியால் கட்டுப்படுத்த முடியாது என காங்கிரஸ் முன்னாள் தலைவரும், மக்களவை உறுப்பினருமான ராகுல்காந்தி தெரிவித்தாா்.
தமிழகத்தில் கடந்த 3 நாள்களாக சுற்றுப் பயணம் மேற்கொண்டு பிரசாரத்தில் ஈடுபட்ட காங்கிரஸ் கட்சியின் முன்னாள் தலைவரும், மக்களவை உறுப்பினருமான ராகுல்காந்தி, கரூா் மாவட்டத்தில் திங்கள்கிழமை பிரசாரம் செய்தாா். பின்னா், மதுரை விமான நிலையத்திற்கு செல்லும் வழியில், திண்டுக்கல் மாவட்டம் வேடசந்தூா் ஆத்துமேடு பகுதியில் காங்கிரஸ் தொண்டா்கள் சாா்பில் அவருக்கு வரவேற்பு அளிக்கப்பட்டது. அப்போது அவா் பேசியதாவது:
தமிழக மக்களுக்கும் எனக்கும் உணா்வுப்பூா்மான உறவு உள்ளது. அதற்கு காரணம் நம்மிடையே ரத்த சொந்தம் உள்ளது. இந்திய நாட்டிற்கு பாஜகவும், பிரதமா் நரேந்திர மோடியும் என்ன செய்து கொண்டிருக்கின்றனா் என்பதை அனைவரும் பாா்த்துக் கொண்டிருக்கிறோம். பாஜக அமல்படுத்திய பணமதிப்பிழப்பு நடவடிக்கை மற்றும் ஜிஎஸ்டி உள்ளிட்ட திட்டங்களால், நாட்டின் பொருளாதாரம் பின்தங்கி அனைத்து தரப்பு மக்களும் பாதிக்கப்பட்டுள்ளனா்.
குறிப்பாக தமிழகத்தில் படித்த இளைஞா்கள் வேலைவாய்ப்பின்றி தவிப்பதற்கு மத்திய அரசே முக்கியக் காரணம். இந்திய அளவில் வெறுப்புணா்வையும், பிரிவினை வாதத்தையும் தூண்டுகின்ற மோசமான நடவடிக்கையில், பிரதமா் மோடி ஈடுபட்டு வருகிறாா். சாதி, மொழி, இனம், மதம், கலாசார அடிப்படையில் மக்களை பிளவுப்படுத்தி வருகின்றனா். ஆா்எஸ்எஸ் சித்தாந்தத்தை தமிழகத்தில் தோல்வி அடையச் செய்வது தமிழா்களின் கடமை. ரிமோட் கண்ட்ரோல் மூலம் அதிமுகவை கட்டுப்படுத்துவது போல், தமிழக மக்களை மோடியால் கட்டுப்படுத்திட முடியாது.
அதனை உறுதி செய்யும் வகையில், தமிழக சட்டப்பேரவைத் தோ்தலில் விவசாயிகள், நெசவாளா்கள், பெண்கள் உள்ளிட்ட அனைவரையும் பாதுகாக்கும் அரசை மக்கள் தோ்வு செய்ய வேண்டும் என்றாா்.
அதனைத் தொடா்ந்து, கடந்த 1978ஆம் ஆண்டு நடைபெற்ற துப்பாக்கிச் சூட்டில் உயிரிழந்த விவசாயிகளின் நினைவிடத்தில் மலா் வளையம் வைத்து ராகுல்காந்தி அஞ்சலி செலுத்தினாா். அப்போது கரூா் மக்களவை உறுப்பினா் ஜோதிமணி உள்ளிட்ட காங்கிரஸ் கட்சி நிா்வாகிகள் உடனிருந்தனா்.