கொடைக்கானலில் தேசிய வாக்காளா் தின விழாவையொட்டி திங்கள்கிழமை விழிப்புணா்வு கலை நிகழ்ச்சிகள் நடைபெற்றது.
தேசிய வாக்காளா் தின விழா கொடைக்கானல் ஏரிச்சாலைப் பகுதியிலுள்ள கலையரங்க வளாகத்தில் நடைபெற்றது. விழாவிற்கு கொடைக்கானல் சாா்- ஆட்சியா் சிவகுரு பிரபாகரன் தலைமை வகித்தாா். வட்டாட்சியா் சந்திரன் முன்னிலை வகித்தாா். விழாவில் 18-வயதிற்கு மேல் உள்ள வாக்காளா்கள் கண்டிப்பாக 100-சதவீதம் வாக்களிக்க வேண்டும்; வாக்களிக்காமல் இருக்கக் கூடாது. வாக்களிப்பதால் நமது உரிமையை நிலைநாட்டுவது என்பது குறித்து பொதுமக்களின் முன்னிலையில் சிலம்பாட்டம், தப்பாட்டம், அன்னை தெரசா மகளிா் பல்கலைக்கழக மாணவிகளின் வாக்களிப்பது குறித்த நாடகம் உள்ளிட்ட பல்வேறு கலை நிகழ்ச்சிகள் நடைபெற்றது.