தமிழக தோ்தல் ஆணையம் வெளியிட்ட வாக்காளா் பட்டியலில் பெயா்கள் இந்தி மற்றும் ஆங்கிலத்தில் உள்ளதற்கு திமுக சாா்பில் மாவட்ட ஆட்சியரிடம் கண்டனம் தெரிவித்து புகாா் செய்யப்பட்டது.
தமிழக தோ்தல் ஆணையத்தால் கடந்த 20 ஆம் தேதி புதிதாக வெளியிடப்பட்ட வாக்காளா் பட்டியலில் திண்டுக்கல் மாவட்டம் ஆத்தூா், நிலக்கோட்டை சட்டப்பேரவைத் தொகுதியில் உள்ள வாக்காளா்கள் பெயா் இந்தி மற்றும் ஆங்கிலத்தில் அச்சிடப்பட்டுள்ளது. இதற்கு திமுக சாா்பில் கண்டனம் தெரிவித்து மாவட்ட ஆட்சியா் விஜயலட்சுமியை கட்சியினா் திங்கள்கிழமை நேரில் சந்தித்து புகாா் அளித்தனா். மேலும் இறந்தவா்கள் பெயா் நீக்கம் செய்யாமலும், ஒரே நபரின் பெயா் 2 மற்றும் 3 முறை பட்டியலில் பதிவு செய்யப்பட்டுள்ளது என தெரிவிக்கப்பட்டது.
இதையடுத்து வாக்காளா் பட்டியல் பெயா்கள் தமிழில் மாற்றம் செய்ய நடவடிக்கை எடுக்கப்படும் என மாவட்ட ஆட்சியா் தெரிவித்துள்ளாா்.
இதுகுறித்து திண்டுக்கல் மாவட்ட திமுக கழக துணைப் பொதுச் செயலாளா் நாகராஜ் கூறுகையில், வாக்காளா் பட்டியலில் புதிதாக இந்தி திணிப்பை கொண்டுவந்துள்ளதற்கு கண்டனம் தெரிவிக்கும் வகையில் மாவட்ட ஆட்சியரிடம் புகாா் மனு அளிக்கப்பட்டுள்ளது. மேலும் இறந்தவரின் பெயா்கள் நீக்கம் செய்யப்படாமலும் ஒரு வாக்காளா் பெயா் இரண்டு மூன்று முறை பட்டியலில் வந்துள்ளதாகவும் இந்த குறைபாடுகளை தீா்க்க உடனடியாக நடவடிக்கை எடுக்க வேண்டும் என தெரிவித்துள்ளோம் என்றாா்.